ඉන්ධන බෙදාහැරීම සලාක ක්‍රමයක් යටතේ සීමා කර ඇති බැවින් දුර ප්‍රදේශවලින් අධිකරණ වෙත පැමිණිය යුතු නීතිඥවරුන්, නඩුකරුවන්, විත්තිකරුවන්, සැකකරුවන්, නඩු පාර්ශවකරුවන් සහ සාක්ෂිකරුවන්ට ගමන්බිමන් සම්බන්ධයෙන් ප්‍රායෝගික අපහසුතා මතුවිය හැකි බව එහි දැක්වේ.
ඒ අනුව එවැනි තත්ත්වයන් සැලකිල්ලට ගනිමින් අධිකරණ ඉදිරියේ එවැනි අවස්ථා මතුවන විට ඒවා සම්බන්ධයෙන් සිද්ධිය අනුව තත්ත්වය විමසා බලා කටයුතු කරන ලෙස සියලු විනිසුරුවරුන්ට උපදෙස් ලබාදී ඇත.
ඉන්ධන සීමා හේතුවෙන් ප්‍රවාහන පහසුකම් ලබාගැනීමේ සීමා ඇතිවිය හැකි බැවින් අදාළ පුද්ගලයන්ට අධිකරණයට පැමිණීමට සැබෑ ප්‍රායෝගික අපහසුතා ඇතිවිය හැකි බව ද එම චක්‍රලේඛයේ වැඩිදුරටත් සඳහන් වේ.
(සටහන | ගිම්හාන් ද සිල්වා)
