පසුගිය සති කිහිපයේදී සංචාරකයන්ගේ පැමිණීම අඩුවීමට හේතු සංචාරක කාල සීමාවල වෙනස් වීමක් බව කර්මාන්තයේ ඇතැම් පිරිස් පවසති.
සංචාරකයන්ගේ පැමිණීම්වල අඩුවක් ඇතැයි නිලධාරීන් ප්‍රකාශ කළ ද එම අඩුවට විශේෂයෙන් හේතු වී ඇත්තේ ගල්ෆ් ඇති වී තිබෙන යුද්ධය නොවන බවත්, එසේ අඩු වී ඇත්තේ මෙම කාල සීමාව මෙරට සංචාරකයන් පැමිණෙන කාල සීමාවක් නොවීම බවත් ඇතැම් හෝටල් හිමිකරුවෝ කියති.
සංචාරක නියෝජ්‍ය අමාත්‍ය රුවන් රණසිංහ ඉකුත් දා ඉදිරිපත් කළ දත්තවලට අනුව මැද පෙරදිගින් මෙරටට පැමිණෙන සංචාරකයන්ගේ සංඛ්‍යාව සියයට 25ත් 30ත් අතර ප්‍රමාණයකින් අඩු වී තිබෙන අතර කෙසේ නමුත් මෙම අඩුවීමට හේතුව මැද පෙරදිග හෙවත් බටහිර ආසියාවේ පවතින යුද්ධය නොවන බව සංචාරක කර්මාන්තයේ පිරිස් පවසති.
මෙම කාලසීමාව මෙරට සංචාරක කර්මාන්තයේ සාමාන්‍යයෙන් සංචාරකයන් පැමිණෙන කාලසීමාවක් නොවන බවත්, විශේෂයෙන් ම ශීත ඍතුවෙන් අවසන් වීමත් සමඟ සංචාරකයන්ගේ පැමිණීමේ අඩුවක් සිදුවන බවත් ඔවුහු පවසති.
