යුද ගැටුම් නිසා අවිනිශ්චිත භාවයට පත්ව ඇති මැදපෙරදිග හා විශේෂයෙන් ඩුබායි මූල්‍ය නගර ආයෝජකයෝ ඇතුලු ආයෝජකයෝ කොළඹ වරාය නගර මූල්‍ය ව්‍යාපෘතියට ආකර්ශනය කර ගැනීමට රජය උපාය මාර්ගිකව සමත් විය යුතු බව ශ්‍රී ලංකා ආර්ථික විද්‍යා සංගමයේ සභාපති සහ විවෘත විශ්ව විද්‍යාලයේ සම්මානිත මහාචාර්ය සිරිමෙවන් කොළඹගේ ප්‍රකාශ කළේය.
මෙරට සේවා අංශය රටේ ජාතික ආර්ථිකයේ 57%ක දායකත්වයක් ලබා දෙයි. මූල්‍ය අංශයේ දියුණුව හරහා මෙරට සේවා අංශය නගා සිටුවීමට හැකියාව ඇත.
ඉන්දියන් සාගරයේ ඉතා සැලකිය යුතු භූ දේශපාලනික වැදගත්කමක් සහිත ස්ථානයක ශ්‍රී ලංකාව පිහිටා තිබෙන අතර මෙහි අගය තේරුම් ගනිමින් මූල්‍ය නගරයක් ලෙස ශ්‍රී ලංකාව දියුණුව කරා ළගාවීමට විභවයක් පවතින බවද මහාචාර්ය වරයා කියයි.
මැද පෙරදිග යුද ගැටුම නිසා අපනයන ආදායම අඩුවීම සංචාරක ක්ෂේත්‍රයේ පහළ යාම, විදේශ ප්‍රේෂණ අඩුවීම, තොරතුරු තාක්ෂණික සේවා ගාස්තු හා වැටුප් ලැබීම් පහළ යාම නිසා ආර්ථිකයට කම්පනයන් ඇතිවේ.
ආනයන වියදම් ඉහළ යාම සහ අපනයන ආදායම් අඩුවීම මත වෙළෙඳ ශේෂයේ විශාල පරතරයක් ඇතිවේ. දැනට ප්‍රාථමික ගිණුමේ පවතින අතිරික්තය අඩුවීමට ඉඩ ඇත. මෙය අප රටට මැද පෙරදිග යුද ගැටුම නිසා මුහුණ දීමට සිදුවන අවාසි සහගත තත්ත්වයන්ය.
නමුත් සංවර්ධනය වෙමින් පවතින රටක් ලෙස ශ්‍රී ලංකාවට ආර්ථික පරිවර්තන පනත, කොළඹ වරාය නගර ආර්ථික කොමිසන් සභා පනත වැනි දේ බලගන්වා සෑම අඳුරු වලාවක් තුළම රිදී රේඛාවක් ඇතැයි කියන කියමනට අනුව යමින් දීප්තිමත්ව ඉදිරියට ඒමට අවස්ථාද මතුව ඇතැයි ඔහු පෙන්වා දෙයි.
වර්තමානයේ මැදපෙරදිග කලාපය වෙළාගෙන ඇති යුදමය වාතාවරණය ලෝක දේශපාලනය මෙන්ම ගෝලීය ආර්ථිකය ද දැඩි අස්ථාවරත්වයකට ඇද දමා තිබේ. මෙම තත්ත්වය ශ්‍රී ලංකාව වැනි සංවර්ධනය වෙමින් පවතින රටවලට ද්විත්ව බලපෑමක් එල්ල කර ඇත. එක් පසෙකින් ආර්ථික කම්පනයන් හමුවේ අභියෝග මතු වන අතර, අනෙක් පසින් උපායමාර්ගිකව කටයුතු කරන්නේ නම් අත්පත් කරගත හැකි සුවිශේෂී අවස්ථාවන් ද නිර්මාණය වෙමින් පවතී.
මැදපෙරදිග යුද ගැටුම් හේතුවෙන් ශ්‍රී ලංකාවේ ආර්ථිකයට එල්ල වන බලපෑම සුළුපටු නොවේ. ආර්ථික විද්‍යා සංගමයේ සභාපතිවරයා පෙන්වා දෙන පරිදි, මෙම ගැටුම් නිසා මෙරට අපනයන ආදායම පහළ යාම, සංචාරක ක්ෂේත්‍රයේ පසුබෑම, විදේශ ප්‍රේෂණ අඩුවීම සහ තොරතුරු තාක්ෂණික සේවා ගාස්තු හා වැටුප් ලැබීම් අවම වීම වැනි සෘජු ආර්ථික කම්පනයන් ඇති වේ.
මීට අමතරව, ආනයන වියදම් ඉහළ යාම සහ අපනයන ආදායම් අඩුවීම මත වෙළෙඳ ශේෂයේ විශාල පරතරයක් නිර්මාණය වන අතර, දැනට ප්‍රාථමික ගිණුමේ පවතින අතිරික්තය පවා අඩුවීමේ අවදානමක් පවතී. මෙය මෙරට සාර්ව ආර්ථික ස්ථාවරත්වයට එල්ල වන දැඩි අභියෝගයකි.
ඔහු පෙන්වා දෙන්නේ මැදපෙරදිග යුද ගැටුම් නිසා ඩුබායි මූල්‍ය නගරය වැනි ස්ථානවල ආයෝජකයෝ දැනට පවතින්නේ දැඩි අවිනිශ්චිත භාවයකින් බවයි.
මෙම ආයෝජකයින් කොළඹ වරාය නගර මූල්‍ය ව්‍යාපෘතිය වෙත ආකර්ශනය කර ගැනීමට රජය උපාය මාර්ගිකව කටයුතු කළ යුතුය. ඉන්දියන් සාගරයේ ඉතා වැදගත් භූ දේශපාලනික පිහිටීමක සිටින ශ්‍රී ලංකාවට, මූල්‍ය නගරයක් ලෙස ලෝකය ජයගැනීමේ විශාල විභවයක් පවතී.
ශ්‍රී ලංකාවේ ජාතික ආර්ථිකයෙන් 57%ක දායකත්වයක් ලබා දෙන්නේ සේවා අංශය මගිනි. මූල්‍ය අංශයේ දියුණුව හරහා මෙම සේවා අංශය තවදුරටත් ශක්තිමත් කිරීමට හැකියාව පවතී. මේ සඳහා අවශ්‍ය නීතිමය පදනම සැකසීම වෙනුවෙන් ආර්ථික පරිවර්තන පනත සහ කොළඹ වරාය නගර ආර්ථික කොමිසන් සභා පනත වැනි ප්‍රතිතිපත්තිමය මෙවලම් බලගැන්වීම අත්‍යවශ්‍ය බව මහාචාර්යවරයා අවධාරණය කරයි.
අර්බුද හමුවේ සැලී නොසිට, භූ දේශපාලනික වටිනාකම මැනවින් වටහාගෙන, ජාත්‍යන්තර ආයෝජකයින්ට ආරක්ෂිත සහ ස්ථාවර පරිසරයක් ලබා දීමට ශ්‍රී ලංකාව සමත් වන්නේ නම්, කොළඹ වරාය නගරය මෙරට ආර්ථිකයේ සැබෑ රිදී රේඛාව බවට පත් කර ගැනීමට අපට හැකි වනු ඇත.
(සටහන | ජේ.මුණසිංහ)
