සිංහල සහ හින්දු අලුත් අවුරුද්ද උදාවේ

රාශි චක්‍රයේ සූර්යයා මීන රාශියෙන් මේෂ රාශියට සංක්‍රමණය වීම අලුත් අවුරුදු උදාව ලෙස සැලකෙයි.

උදාවෙන අලුත් අවුරුද්දේ සුබ නැකැත්වලට අනුව චාරිත්‍රවාරිත්‍ර සිදුකිරීම අතීතයේ පටන් පැවති සම්ප්‍රදායකි.

* අලුත් අවුරුද්ද උදාව:
නැකත් සීට්ටුවට අනුව අලුත් අවුරුද්ද උදාවන්නේ අද (14) පූර්වභාග 09.32ටය.

* පුණ්‍ය කාලය:
අවුරුදු උදාවට පෙර පුණ්‍ය කාලය ආරම්භ වන අතර එය අද (14) පූර්වභාග 03.08 සිට අපරභාග 03.56 දක්වා පවතිනු ඇත.

එම කාලය තුළ සියලු වැඩ අත්හැර, ආගමික වතාවත්වල යෙදීම යෝග්‍ය වන අතර පුණ්‍ය කාලයේ අපර කොටසේදි ආහාර පිසීම, වැඩ ඇල්ලීම, ගනුදෙනු කිරීම ආදි නැකත් චාරිත්‍රවල යෙදීම සුදුසුය.

* ආහාර පිසීමේ නැකත:
ආහාර පිසීමේ නැකත පූර්වභාග 10.51ට යෙදී ඇති බව නැකත් සීට්ටුවේ සඳහන්. රක්ත වර්ණ වස්ත්‍රාභරණයෙන් සැරසී දකුණු දිශාව බලා ලිප් බැඳ ගිනි මොලවා කිරිබතක්ද කැවිලි වර්ගයක්ද දී කිරි සහ විළඳ ද පිළියෙළ කර ගතයුතුය.

* ආහාර අනුභව කිරීමේ නැකත:
වැඩ අල්ලා ගනුදෙනු කොට ආහාර අනුභව කිරීමේ නැකත යෙදී ඇත්තේ අපරභාග 12.06ටය.

රක්ත වර්ණ වස්ත්‍රාභරණයෙන් සැරසී දකුණු දිශාව බලා වැඩ අල්ලා ගනුදෙනු කොට ආහාර අනුභවය කළ යුතු බව නැකැත් සීට්ටුවේ සඳහන්ය.

* හිසතෙල් ගෑමේ චාරිත්‍රය:
අලුත් අවුරුද්දේ හිසතෙල් ගෑමේ චාරිත්‍රය අප්‍රේල් මස 15 වැනි බදාදා පූර්වභාග 6.55ට යෙදී තිබේ.

හිසතෙල් ගෑම පච්ච වර්ණයෙන් හෙවත් කොළපාට වස්ත්‍රාභරණයෙන් සැරසී නැගෙනහිර දිසාව බලා හිසට කොහොඹ පත්ද පයට කොලොන් පත්ද තබා කොහොඹපත් මිශ්‍ර නානු සහ තෙල්ද හිස ගල්වා ස්ථානය කිරීමට සුදුසු යැයි නැකැත් සීට්ටුවේ සඳහන් වේ.  

* රැකී රක්ෂා සඳහා පිටත්ව යෑමේ නැකත:
රැකී රක්ෂා සඳහා පිටත්ව යෑමේ නැකත  අප්‍රේල් 20 වැනි සඳුදා පූර්වභාග 06.27ට යෙදී ඇති බව නැකත් සීට්ටුවේ වැඩිදුරටත් දැක්වේ.

* පැලසිටුවීම:
පැලසිටුවීම 23 වැනි දා බ්‍රහස්තපතින්දා පූර්වභාග 9.01 රන්පැහැති වස්ත්‍රා භරණයෙන් සැරසී උතුරු දිසාව බලා පැලසිටුවීම සුදුසු බව ද නැකැත් සීට්ටුවේ සඳහන් වේ.


සබැඳි ලිපි :
නොනගතේ කාලේ නොකා ඉන්න ඕනේ කියලා දෙයක් නැහැ - මහින්ද කුමාර දලුපොත