ඩුබායි ආරක්ෂක අංශ විසින් එරට සැඟව සිටින ප්‍රධාන පෙළේ අපරාධකරුවන් බවට සැකකෙරෙන පුද්ගලයින් අත්අඩංගුවට ගැනීමේ දැවැන්ත මෙහෙයුමක් මේ වන විට ක්‍රියාත්මක කර ඇති අතර ඒ අනුව මොවුන් දෙදෙනාට අමතරව මත්ද්‍රව්‍ය ජාවාරම්වලට හා බරපතල අපරාධවලට සම්බන්ධය යැයි සැකකෙරෙන පුද්ගලයින් 30කට ආසන්න පිරිසක් දැනටමත් අත්අඩංගුවට ගෙන ඇතැයි පැවසේ.
ලංකාව තුළ සිදු වූ මනුෂ්‍ය ඝාතන සහ පාතාල ක්‍රියාකාරකම් මෙහෙයවීම, මහා පරිමාණ මත්ද්‍රව්‍ය ජාවාරම (මුහුදු මාර්ගයෙන් සහ වෙනත් ක්‍රම මගින් මෙරටට මත්ද්‍රව්‍ය ගෙනඒම සහ බෙදාහැරීම) , ජාතික ආරක්ෂාවට තර්ජනයක් වීම (නීති විරෝධී ක්‍රියා මගින් රටේ සාමය සහ ආරක්ෂාව බරපතළ ලෙස කඩ කිරීම) ආදී චෝදනා රාශියක් 'පරෙයි සුදා' සහ ''දිප්පිටිගොඩ ළහිරු' වෙත එල්ලවී ඇතැයි පොලිසිය පවසයි.
මෙම සැකකරුවන් දෙදෙනා කඩිනමින් ශ්‍රී ලංකාවට ගෙන්වා ගැනීමට පොලිස් මුලස්ථානය මේවනවිට කටයුතු කරමින් සිටින බව වාර්තාවේ.
මේඅතර ඩුබායි පොලිසිය මගින් පසුගියදා අත්අඩංගුවට ගනු ලැබූ සංවිධානාත්මක අපරාධකරුවකු ලෙස සැකකෙරෙන රංජිත් කුමාර නොහොත් 'කොණ්ඩ රංජි' නැමැත්තා මෙරට රැගෙන එම සඳහා ශ්‍රී ලංකා පොලිසියේ නිලධාරීන් කිහිපදෙනෙකු ඩුබායි වලට ගොස් ඇත.
