ජනාධිපති අනුර කුමාර දිසානායක පියවර ගෙන තිබේ.
ජනාධිපතිවරයා විසින් ඉදිරිපත් කරන ලද මෙම නාම යෝජනාව සඳහා ආණ්ඩුක්‍රම ව්‍යවස්ථා සභාවේ නිල අනුමැතිය හිමිව ඇත.
කතානායක වෛද්‍ය ජගත් වික්‍රමරත්න ගේ ප්‍රධානත්වයෙන් පසුගිය මැයි 22 වැනි සිකුරාදා රැස්වූ ආණ්ඩුක්‍රම ව්‍යවස්ථා සභාව විසින් මෙම තීරණය ගෙන තිබේ.
පසුගිය මාර්තු 19 වැනිදා අධිකරණ සේවා කොමිෂන් සභාවේ සාමාජිකත්වයෙන් ශ්‍රේෂ්ඨාධිකරණ විනිසුරු එස්. තුරේරාජා විශ්‍රාම ගැනීමෙන් පසු මෙම ධුරය මෙතෙක් පුරප්පාඩුව පැවතුණි.
පසුබිම් තොරතුරු:
ආණ්ඩුක්‍රම ව්‍යවස්ථාවට අනුව අධිකරණ සේවා කොමිෂන් සභාව සමන්විත වන්නේ අගවිනිසුරුවරයා සහ ශ්‍රේෂ්ඨාධිකරණ විනිසුරුවරුන් දෙදෙනෙකුගෙනි. මෙහි සෙසු සාමාජිකයන් ජනාධිපතිවරයා විසින් පත් කරනු ලබන්නේ ආණ්ඩුක්‍රම ව්‍යවස්ථා සභාවේ අනුමැතිය ඇතිවය.
මේ වන විට ශ්‍රේෂ්ඨාධිකරණ විනිසුරුවරුන් අතර ජ්‍යෙෂ්ඨත්වයෙන් ඉහළින්ම සිටින විනිසුරුවරයෙකු වන යසන්ත කෝදාගොඩ, මීට පෙර වැඩබලන අගවිනිසුරුවරයා ලෙස ද කටයුතු කර තිබේ.
දීර්ඝ කාලයක් නීතිපති දෙපාර්තමේන්තුවේ ජ්‍යෙෂ්ඨ අතිරේක සොලිසිටර් ජනරාල්වරයෙකු ලෙස සේවය කළ ඔහු, පසුව මහාධිකරණ විනිසුරුවරයෙකු ලෙසත්, අභියාචනාධිකරණයේ සභාපතිවරයා ලෙසත් කටයුතු කරමින් මෙරට අධිකරණ ක්ෂේත්‍රයට සුවිශේෂී මෙහෙවරක් ඉටුකළ ප්‍රමුඛ පෙළේ නීති විශාරදයෙකි.
විනිසුරු යසන්ත කෝදාගොඩ, ශ්‍රී ලංකාවේ කීර්තිමත් වෛද්‍ය මහාචාර්යවරයෙකු මෙන්ම ප්‍රකට ප්‍රජා සේවකයෙකු වූ කලාකීර්ති, දේශමාන්‍ය දිවංගත නන්දදාස කෝදාගොඩ මහතාගේ පුත්‍රයාය.
