ඊයේ (29) දින සිට ක්‍රියාත්මක වන පරිදි මෙම නව පත්කිරීම සිදු කර ඇති බව ආරක්ෂක අංශ ආරංචි මාර්ග තහවුරු කරයි.
යුද්ධ හමුදාපතිවරයාගේ නිර්දේශය මත, සන්නද්ධ බලකායන්හි සේනාධිනායක ජනාධිපතිවරයා විසින් මෙම උසස්වීම් සහ පත්කිරීම් සිදුකර ඇත.
යුද්ධ හමුදා මූලස්ථානයේ දෙවනුවට ඉහළම තනතුර වන මාණ්ඩලික ප්‍රධානී ධුරයට පත්වීමට පෙර, ඔහු යුද්ධ හමුදාවේ ප්‍රධාන ක්ෂේත්‍ර රැසක සහ මෙහෙයුම් මට්ටමේ ඉහළ තනතුරු රැසක් හොබවමින් සුවිශේෂී සේවාවක් ඉටුකර ඇති දක්ෂ නිලධාරියෙකි.
ශ්‍රී ලංකා කාලතුවක්කු හමුදාවෙන් (SLA) බිහිවූ කීර්තිමත් නිලධාරියෙකු වන මේජර් ජෙනරාල් නිලන්ත ප්‍රේමරත්න, වසර 30කට අධික සිය යුද සේවා කාලය තුළ මාතෘභූමියේ ඒකීයභාවය වෙනුවෙන් සුවිශේෂී දායකත්වයක් ලබා දී ඇතැයි යුධ හමුදාව පවසයි.
හමුදා සම්ප්‍රදායානුකූලව ඉදිරි දින කිහිපය තුළ ඔහු යුද්ධ හමුදා මූලස්ථානයේදී නිල වශයෙන් සිය ධුරයේ රාජකාරි ආරම්භ කිරීමට නියමිතය.
