The Leader News
BREAKING
කොළඹ වරායේ ඉඩම් බදු දීම සහ ඒකාධිකාරය පිළිබඳ පාර්ලිමේන්තු විමසුමක්●කඩා වැටෙන මුදල් ඒකකය බේරාගන්න ඉන්දුනීසියාව පොලී අනුපාත ඉහළ දමයි●මහා බලවතුන්ගේ යෝල්ටා සමුළුව වෙනුවට ‘නාලන්දා සංවාදයකට’ කාලයයි●රාමසාන් සමයට පෙර ඩොලරය පාලනයට බංග්ලාදේශයෙන් නව මෙහෙයුමක්●රනිල් මහින්දට සුබ පතයි; දයාසිරිට ලොකු තනතුරක්●ක්‍රිෂ් නඩුවේ විමර්ශන පුළුල් වෙයි; ඉන්දීය අධ්‍යක්ෂවරුන් තිදෙනෙකුට වරෙන්තු සූදානමක්●යාපනයේ මගේ Encyclopedia ව නික්ම ගොසිනි●ලාභ ලැබූ විදුලිබල මණ්ඩලය 2025දී පාඩු ලැබුවේ ඇයි?●හසීනාගේ පුනරාගමන සැලසුම මැද යුනුස්ගේ නිවසටත් ගිනි: බංග්ලාදේශය යළි උණුසුම්●ළමා අපයෝජන චෝදනාවට වරදකරු වූ හිමිනමකට වසර 8ක සිරදඬුවම්●
Top Ad
පුවත්

කොළඹ වරායේ ඉඩම් බදු දීම සහ ඒකාධිකාරය පිළිබඳ පාර්ලිමේන්තු විමසුමක්

Awara

Awara

November 20, 2026 • 3:07 PM

 කොළඹ වරායේ ඉඩම් බදු දීම සහ ඒකාධිකාරය පිළිබඳ පාර්ලිමේන්තු විමසුමක්

ලිපියට සවන් දෙන්න

පැහැදිලි සිංහල හඬ කියවනය (Natural Audio)

  • නැව් සඳහා ඉන්ධන සැපයීමේ (Oil Bunkering) ව්‍යාපෘතියක් වෙනුවෙන් වරාය සතු හිස් ඉඩම් බදු දීමේ ක්‍රියාවලිය පිළිබඳව පාර්ලිමේන්තු අවධානය යොමුව තිබේ.
  • මරික්කාර්ගේ ප්‍රධානත්වයෙන් පැවති රැස්වීමකදී ශ්‍රී ලංකා වරාය අධිකාරියේ නිලධාරීන්ගෙන් මේ පිළිබඳව දීර්ඝ ලෙස ප්‍රශ්න කෙරිණි.
  • විකල්ප ඉඩම සහ ඒකාධිකාරය පිළිබඳ විමසුම 2022 වසරේ කැබිනට් තීරණයකට අනුව ඉන්ධන සැපයුම් ක්ෂේත්‍රය විවෘත කිරීම සඳහා ටෙන්ඩර් කැඳවා තිබුණි.
  • ඒ අනුව කොච්චිකඩේ පල්ලිය පසුකර එන විට වෙරළබඩ පොලිසියට යාබදව පිහිටි වරාය තාප්පය ඉදිරිපිට අක්කර 4යි රූඩ් 1යි පර්චස් 20ක ඉඩමක් අදාළ සමාගමකට බදු දීමට මුලින් එකඟ වී ඇත.
අකුරු ප්‍රමාණය (Font Size):

නැව් සඳහා ඉන්ධන සැපයීමේ (Oil Bunkering) ව්‍යාපෘතියක් වෙනුවෙන් වරාය සතු හිස් ඉඩම් බදු දීමේ ක්‍රියාවලිය පිළිබඳව පාර්ලිමේන්තු අවධානය යොමුව තිබේ.

යටිතල පහසුකම් සහ උපායමාර්ගික සංවර්ධනය පිළිබඳ ආංශික අධීක්ෂණ කාරක සභාවේ (SOC) සභාපති පාර්ලිමේන්තු මන්ත්‍රී එස්.එම්. මරික්කාර්ගේ ප්‍රධානත්වයෙන් පැවති රැස්වීමකදී ශ්‍රී ලංකා වරාය අධිකාරියේ නිලධාරීන්ගෙන් මේ පිළිබඳව දීර්ඝ ලෙස ප්‍රශ්න කෙරිණි.

විකල්ප ඉඩම සහ ඒකාධිකාරය පිළිබඳ විමසුම

2022 වසරේ කැබිනට් තීරණයකට අනුව ඉන්ධන සැපයුම් ක්ෂේත්‍රය විවෘත කිරීම සඳහා ටෙන්ඩර් කැඳවා තිබුණි. ඒ අනුව කොච්චිකඩේ පල්ලිය පසුකර එන විට වෙරළබඩ පොලිසියට යාබදව පිහිටි වරාය තාප්පය ඉදිරිපිට අක්කර 4යි රූඩ් 1යි පර්චස් 20ක ඉඩමක් අදාළ සමාගමකට බදු දීමට මුලින් එකඟ වී ඇත.

එම ඉඩමට මධ්‍යම පරිසර අධිකාරියේ (CEA) අනුමැතිය නොලැබීම හේතුවෙන්, වරාය පරිශ්‍රය තුළ පිහිටි ඔයිල් බැංකුව (Oil Bank) අසල අක්කර 2යි රූඩ් 2ක විකල්ප ඉඩමක් ලබා දීමට වරාය අධිකාරියේ අධ්‍යක්ෂ මණ්ඩලය පසුව එකඟ වී තිබේ.


"වරාය ඇතුළේ ජැටියට කිට්ටුම ඉඩමක් මෙලෙස ලබා දීමෙන් වෙළඳපොළ තුළ අසාධාරණ තරඟකාරීත්වයක් හෝ ඒකාධිකාරයක් නිර්මාණය වීමට ඉඩක් තිබේද යන්න ගැන අවධානය යොමු කළාද?" - පාර්ලිමේන්තු මන්ත්‍රී එස්.එම්. මරික්කාර්


මීට පිළිතුරු දෙමින් වරාය සභාපතිවරයා කියා සිටියේ, දැනටමත් එක් පාර්ශ්වයක් (JCT පර්යන්තය) සතුව පවතින ඒකාධිකාරය බිඳ දමා නව ආයෝජකයින්ට අවස්ථාව දීමෙන් වෙළඳපොළ තරඟකාරීත්වය ඉහළ යන බවයි.

මෙය භාණ්ඩ හා සේවා මිලදී ගැනීමක් (Procurement) නොව, 1971 අංක 51 දරන වරාය අධිකාරී පනතේ 7 වැනි වගන්තිය යටතේ අධ්‍යක්ෂ මණ්ඩලය සතු බලතල අනුව සිදුකළ ඉඩම් බදු දීමක් බවද ඔහු පෙන්වා දුන්නේය. එමෙන්ම නව සමාගමට වරායේ පවතින නල පද්ධතිය භාවිත කිරීමට ඉඩ නොදෙන බවත්, ඔවුන් විසින්ම කිලෝමීටරයක පමණ දුරකට අලුතින් නල පද්ධතියක් එළිය යුතු බවත් නිලධාරීහු අවධාරණය කළහ.

අධිකරණ සමථය සහ කමිටුවේ අවසන් නියෝගය

විකල්ප ඉඩමට අදාළ ශක්‍යතා අධ්‍යයන වාර්තා (QRA) මාස හයක් තුළ ඉදිරිපත් කිරීමට අපොහොසත් වීම මත වරාය අධිකාරිය මුල් ගිවිසුම අවලංගු කර තිබුණි. ඊට එරෙහිව අදාළ සමාගම ශ්‍රේෂ්ඨාධිකරණයෙන් අතුරු තහනම් නියෝගයක් ලබා ගැනීමෙන් පසු, නීතිපති දෙපාර්තමේන්තුවේ උපදෙස් මත දෙපාර්ශ්වයේ එකඟතාවයෙන් නඩුව සමථයකට පත් කර ගැනීමට පියවර ගෙන ඇත.

අමාත්‍යාංශයේ ප්‍රධාන ගණන් දීමේ නිලධාරියා ලෙස අමාත්‍යාංශ ලේකම්වරයා මෙම ක්‍රියාවලියේ විනිවිදභාවය තහවුරු කළ යුතු බව කාරක සභා සභාපතිවරයා පෙන්වා දුන්නේය.

| පූර්ණ අධ්‍යයනයක්:
මෙම ඉඩම් බදු දීමෙන් රජයට දිගුකාලීන මූල්‍ය අවාසියක් සිදු නොවන බවට සහ වෙළඳ ඒකාධිකාරයක් ඇති නොවන බවට වරාය සභාපතිවරයා සහ අමාත්‍යාංශ ලේකම්වරයා එක්ව අධ්‍යයනයක් සිදු කළ යුතුය.

| කමිටුවට වාර්තාවක්:
අදාළ සමථ ගිවිසුම පිළිබඳ වාර්තාව ජනාධිපති ලේකම් කාර්යාලය වෙත යොමු කිරීමට පෙර, කිසිදු ප්‍රමාදයකින් තොරව ඒ පිළිබඳ වාර්තාවක් ආංශික අධීක්ෂණ කාරක සභාව වෙත ලබා දෙන ලෙස කමිටුව නියෝග කළේය.

ධාරිතාව ඉක්මවා යන ඉල්ලුමට පිළියම්

රතු මුහුදේ සහ සූවස් ඇළ ආශ්‍රිතව පවතින ගෝලීය නාවික සැපයුම් බාධා මධ්‍යයේ වුවද, වසරේ මුල් මාස 8 තුළ කොළඹ වරාය 11%ක වර්ධනයක් අත්කර ගෙන ඇති බව සභාපතිවරයා අනාවරණය කළේය. ලෝක වරාය ශ්‍රේණිගත කිරීම්වල 26 වැනි ස්ථානය දක්වා ඉදිරියට පැමිණීමට ද කොළඹ වරාය සමත්ව තිබේ.

වර්තමානයේ වරායේ පවතින බහාලුම් ධාරිතාව මිලියන 10ක් වුවද, පවතින ඉල්ලුම මිලියන 9 දක්වා ඉහළ ගොස් ඇත. ඉදිරියේදී ඇතිවිය හැකි තදබදය වළක්වා ගැනීමට ප්‍රධාන ව්‍යාපෘති තුනක් ක්‍රියාත්මක වේ.

| කෙටිකාලීන ව්‍යාප්තිය:
2027 වසර අග සහ 2028 වසර මුල වන විට තවත් මිලියන 4ක ධාරිතාවක් වරායට එක් කිරීමට නියමිතය.

| නව පර්යන්ත:
ආසියානු සංවර්ධන බැංකුවේ (ADB) සහාය ඇතිව ඉදිකෙරෙන 'කොළඹ දකුණු බහාලුම් පර්යන්තය 2' (CSCT 2) මගින් මිලියන 3.3ක ධාරිතාවක් ලබා ගැනීමට මේ වන විට ශක්‍යතා අධ්‍යයන සිදුවේ.

| දිගුකාලීන ඉලක්කය:
2035 වසර වන විට 'කොළඹ උතුරු වරාය' (Colombo North Port) සංකල්පය යටතේ තවත් මිලියන 11ක ධාරිතාවක් එක් කිරීමට සැලසුම් කර ඇත.

ලෝකයේ සමස්ත නාවික ගමනාගමනය පාලනය කරනු ලබන්නේ ප්‍රධාන නැව් සමාගම් 16ක් විසින් බැවින්, කලාපීය තරඟකාරීත්වයට මුහුණ දීම සඳහා එවැනි ප්‍රධාන නැව් සමාගම් සමඟ උපායමාර්ගික ගිවිසුම්වලට එළඹීමේ අවශ්‍යතාව ද සභාපතිවරයා මෙහිදී පෙන්වා දුන්නේය.

වැඩිදුර තොරතුරු සඳහා මූලාශ්‍රය:

සම්පූර්ණ කාරක සභා සාකච්ඡාව නරඹන්න: ශ්‍රී ලංකා වරාය අධිකාරිය SOC කමිටුව හමුවට

The Leader • WhatsApp නිල සේවාව

අපගේ නිල WhatsApp සමූහයට එක්වන්න

නවතම සහ උණුසුම් පුවත්, විශේෂ විමර්ශන වාර්තා ක්ෂණිකව ඔබගේ දුරකථනයටම ලබාගැනීමට The Leader WhatsApp සමූහය හා අදම එක්වන්න.

#theleader.lk#theleadernews
The Leader • අප ගැන

Theleader.lk යනු ශ්‍රී ලංකාව තුළ සහ ජාත්‍යන්තර ඩයස්පෝරාව අතර ක්‍රියාත්මක වන ප්‍රවෘත්ති සහ කාලීන විශේෂාංග පළ වන ප්‍රමුඛතම වෙබ් පුවත් පර්යන්තයකි. නවතම සහ කාලීන පුවත් මෙන්ම දේශපාලන තොරතුරු සිය පාඨකයන් හට දිනපතා ඉදිරිපත් කරනු ලබයි.

තව කියවන්න (Read More)→

Discussion (0)

Join the Conversation

Register as a reader to share your comments, react to analysis, and join discussions on The Leader stories.

Loading discussion...

කොළඹ වරායේ ඉඩම් බදු දීම සහ ඒකාධිකාරය පිළිබඳ පාර්ලිමේන්තු විමසුමක් | The Leader