ගිය බැතිමතුන්ගේ දෙමළ මාධ්‍යවේදීන් තිදෙනකු විසින් රූගත කරන ලද වීඩියෝ සහ ඡායාරුප බලහත්කාරයෙන් මකා දැමූ බවට ශ්‍රී ලංකා හමුදාව චෝදනාවට ලක්ව සිටී.
ප්‍රභාකරන් දිලක්ෂන්, සුන්දරම්පිල්ලේ රාජසේකරන් සහ සින්නයියා යෝගේස්වරන් හමුදා ආක්‍රමණයට ලක්ව ඇති කෝවිල් හතක පුද පුජා පැවැත්වීමට අවසර ලත් හින්දු භක්තිකයන් පිරිසක් සම්බන්ධයෙන් සිකුරාදා (23) වාර්තා කරමින් සිටියහ.
යාපනයේ වලිකාමම් උතුරේ හින්දු කෝවිල් 24ක් සහ කතෝලික පල්ලි දෙකක් යුද්ධය අවසන් වී වසර 15කට ආසන්න කාලයක් ආරක්ෂක සේනා පාලනය යටතේ පවතී. එයින් කෝවිල් හතක පමණක් ආගමික වතාවත් සිදු කිරීමට යුද හමුදාව අවසර දී තිබේ.
මාධ්‍යවේදීන් තිදෙනා යාපනයේ පලාලි - වාසවිලාන් ප්‍රදේශය අසලට ගොස් ඇත්තේ තිස් දෙනකුගෙන් පමණ සමන්විත වන්දනාකරුවන් පිරිස හමුදා කඳවුර ඉදිරිපිට සෝදිසි කර, ලේඛනගත කොට බස් රියකට නංවා ගනු වාර්තා කිරීමටය. අධි ආරක්‍ෂිත කලාපයක් (HSZ) අවට රූගත කිරීම් තහනම් බව පවසමින් හමුදාව ඊට විරුද්ධ වී තිබේ.
දෙමළ මාධ්‍යවේදීන් පෙන්වා දී ඇත්තේ හමුදා පාලනය යටතේ පවතින ප්‍රදේශයක වසර 34කට පසු සිද්ධස්ථාන වෙත පැමිණීම සම්බන්ධයෙන් බැතිමතුන්ගේ අදහස් දැනගැනීම සඳහා පමණක් ඔවුන් සමඟ කතා කරන බවයි.
"හමුදාව මගේ නම සහ විස්තර සටහන් කර මගේ පින්තූරයකුත් ගත්තා," යි ප්‍රභාකරන් දිලක්සන් ප්‍රාදේශීය මාධ්‍ය වෙත පැවසීය.
හින්දු බැතිමතුන්ට සිකුරාදා දිනවල ඔවුන්ගේ කෝවිල් නැරඹීමට අවසර ලබා දී ඇති අතර කිතුනුවන්ට ඉරිදා ද එය ලබා දී ඇත. කෙසේ වෙතත්, සියලුම බැතිමතුන් ඔවුන්ගේ පැමිණීමට පෙර ලියාපදිංචි වීමට හමුදාව නියෝග කර තිබේ.
