නියමිත කාලවල ජනාධිපතිවරණය, මහමැතිවරණය වගේම ඉතිරි මැතිවරණත් පැවැත්වීමට කටයුතු කරන බව
බන්ධනාගාර කටයුතු හා ආන්ඩුක්‍රම ව්‍යවස්ථා ප්‍රතිසංස්කරණ අමාත්‍යවරයා ප්‍රකාශ කර තිබේ.
“අපි නියමිත කාලවල ජනාධිපතිවරණය, මහමැතිවරණය වගේම ඉතිරි මැතිවරණත් පවත්වනවා. අපි ඡන්ද කල්දාන්නෙ නෑ. ඒතකොට පුළුවන් මහජනතාවට තීරණය කරන්න මේ රට කාටද භාරදෙන්න ඹ්න කියලා. ජනතාව එවෙලාවට නිසි තීන්දුවක් ගනිවි.”
රට වැටුණු අවස්ථාවේ දී භාර ගැනිමට කිසිවෙක් නොසිටි බව මෙන්ම තමන් ඇතුළු කිහිප දෙනෙකු එකතු වී පිහිටවු ආණ්ඩුව විසින් නිසා රට වර්තමාන තත්වයට පත්කර ගැනිමට හැකි වු බවයි බන්ධනාගාර කටයුතු හා ආන්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ ආචාර්ය විජයදාස රාජපක්ෂ පවසන්නේ.
ජාතික ප්‍රතිසංධානය සඳහා වන කාර්යාලය මගින් ක්‍රියාත්මක කරනු ලබන දිස්ත්‍රික් සංහිඳියා උපදේශණ කමිටු පිහිටුවීමේ වැඩසටහන යටතේ නැගෙනහිර පළාතේ මඩකලපුව දිස්‍ත්‍රික්කයේ උපදේශණ කමිටු පිහිටවීම පෙබරවාරි 24 වැනිදා එක්වු ඇමැතිවරයා මෙම අදහස් පළ කළේය.
රටක් ලෙස ඉදිරියට යාමට අවශ්‍ය ක්‍රියාමාර්ග ගනිමින් එම වැඩසටහන් ක්‍රියාත්මක කරමින් නියමිත පරිදි මැතිවරණ පැවැත්වීමට කටයුතු කරන බව ද ආචාර්ය විජයදාස රාජපක්ෂ වැඩිදුරටත් කියා සිටියේය.
මෙම අවස්ථාවට අධිකරණ, බන්ධනාගාර කටයුතු රාජ්‍ය අමාත්‍ය නීතිඥ අනුරාධ ජයරත්න, ග්‍රාමීය මාර්ග සංවර්ධන රාජ්‍ය අමාත්‍ය ශිවනේසතුරෙයි චන්ද්‍රකාන්තන්, අධිකරණ අමාත්‍යාංශයේ ලේකම් එම්. එන්. රණසිංහ, මඩකලපුව දිස්ත්‍රික් ලේකම් ජේ.ජේ. මුරලිදරන් මිය, ජාතික සමඟිය හා ප්‍රතිසංධානය සඳහා වන කාර්යාලයේ සභාපති චරිත් මාරඹේ ඇතුළු පිරිසක් එක්විය.
