නොමැති බව දිස්ත්‍රික්කයේ ප්‍රධාන රාජ්‍ය නිලධාරීන් මුලතිව් අධිකරණයට දැනුම් දී තිබේ.
කොක්කුතොඩුවායි සමූහ සුසානය සම්බන්ධ නඩුව මුලතිව් මහේස්ත්‍රාත් ධර්මලිංගම් ප්‍රදීපන් ඉදිරියේ සඳුදා (4) විභාගයට ගන්නා ලද අවස්ථාවේදී ඉදිරි විමර්ශන සඳහා අවශ්‍ය ප්‍රතිපාදන නොමැති බව මුලතිව් දිස්ත්‍රික් ලේකම් කාර්යාලය අධිකරණයට දැනුම් දුන්නේ යැයි නීතිඥ ශාන්තිප්‍රගාසම් නිරංජන් මාධ්‍යවේදීන්ට හමුවේ ප්‍රකාශ කළේය.
අතුරුදහන් තැනැත්තන් පිළිබඳ කාර්යාලය (OMP) මුදල් ලබාදීම දිගින් දිගටම ප්‍රමාද කොට ඇතැයි දිස්ත්‍රික් ලේකම් කාර්යාලයේ ප්‍රධාන ගණකාධිකාරී මයිල්වාගනම් සෙල්වරත්නම් අධිකරණයට දැනුම් දුන් බව නීතිඥවරයා වැඩිදුරටත් පවසා තිබේ.
මුල්‍ය සම්පාදනයට පොරොන්දු දුන් OMP කාර්යාලයේ නියෝජිතයන් මෙදින අධිකරණයට පැමිණ නොසිටි බව පළාත්බද වාර්තාකරුවෝ පවසති.
කොක්කුතොඩුවායි සමූහ සුසානයෙන් මෙතෙක් ගොඩගෙන තිබෙන මිනිස් සිරුරු සම්බන්ධයෙන් ඉදිරි වෝහාරික පරීක්ෂණ සඳහා ද මුදල් නොමැති බව දස දිනකට ඉහතදී මුලතිව් අධිකරණ වෛද්‍ය නිලධාරි කනගසබාපති වාසුදේව දැනුම් දී තිබුණි.
සැප්තැම්බරයේ ආරම්භ කොට අදියර තුනකින් කරන ලද කැනීම් නොවැම්බර් 29 දා අත් හිටුවන විට ගොඩගෙන තිබුණු පූර්ණ ඇටසැකිලි සංඛ්‍යාව 40 කි. වෝහාරික පුරාවිද්‍යාඥ රාජ් සෝමදේව විසින් දෙසතියකට ඉහතදී අධිකරණයට බාරදුන් අතුරු වාර්තාවක දැක්වෙන පරිදි මේතාක් කරන ලද විමර්ශන අනුව සිරුරු වල දමා ඇත්තේ 1994-96 යුද සමයේය. ඉන් වැඩි දෙනකු එල්ටීටීඊ සෙබලියන් බවට විශ්වාස කෙරේ.
පසුගිය වසරේ අගෝස්තු 8 වැනිදා අතුරුදහන් තැනැත්තන් පිළිබඳ කාර්යාලය (OMP) මුලතිව් විනිසුරුවරයාට දන්වා තිබුනේ කැණීම් කටයුතු සඳහා ජනාධිපති ලේකම් කාර්යාලය මාර්ගයෙන් මුදල් ලබාදෙන බවයි.
ඉන් අනතුරුව කොක්කුතොඩුවායි හිදී හමුවූ සිරුරු කොටස් පිළිබඳ මහේස්ත්‍රාත් විමර්ශනය සඳහා රුපියල් 5,663,480 ක මුදලක් අමාත්‍යංශයේ ප්‍රතිපාදන වලින් වෙන් කරන ලද බව අධිකරණ, බන්ධනාගාර කටයුතු හා ආ‍ණ්ඩුක්‍රම ව්‍යවස්ථා ප්‍රතිසංස්කරණ අමාත්‍යාංශය මුලතිව් දිස්ත්‍රික් ලේකම්වරයාට අගෝස්තු 22 දා ලිපියකින් දන්වා තිබුණි.
කොක්කුතොඩුවායි මහාවිද්‍යාලයේ සිට කෝකිලායි දෙසට මීටර් 200ක් පමණ දුරකින් 2023 ජුනි අගදී මිනිස් සිරුරු කොටස් සහ ඇඳුම් කැබලි අහම්බයෙන් හමුවී තිබුනේ ජල සම්පාදන දෙපාර්තමේන්තුවේ කාර්ය මණ්ඩලය ජලනල එළීමට පොළව හාරමින් සිටියදී ය.
සබැඳි ලිපි :
වන්නි සමූහ මිනීවලෙන් ගොඩගත් සිරුරු ’94 සහ ’96 අතර යුද සමයේ බව හෙළි වේ
කොක්කුතුඩුවායි සමූහ මිනීවලෙන් තවත් සිරුරු පහක් ගොඩගනී
කොක්කුතුඩුවායි සමූහ සුසානයේ කැනීම්වලට බාලගිරි දෝෂය
කොක්කුතුඩුවායි සමූහ සුසානයේ කැනීම් පිළිබද තීන්දුව අද
කොක්කුතොඩුවායි සමූහ මිනීවලේ කැනීම් නැවත වතාවක් පටන් ගනී
කොක්කුතොඩුවායි සමූහ මිනීවලේ කැනීම් කටයුතු තවත් කල් යයි
මුලතිව් සමූහ මිනීවලට CCTV කැමරා සවිකරයි
ජනාධිපති කාර්යාලයේ මුදල් නොලැබී මුලතිව් සමූහ මිනීවලේ කැනීම් ඇනහිටී
වැඩ නවතා ඇති මුලතිව් සමූහ සුසානයට ජාත්‍යන්තර මැදිහත්වීමක් ඉල්ලයි
LTTE සෙබල, සෙබලියන්ගේ යයි සැකකෙරෙන සිරුරු පහක් ගොඩගනී
මුලතිව් සමූහ මිනීවලෙන් ගොඩගන්නා සිරුරු ගණන තවත් ඉහලට
කොක්කුතොඩුවායි සමූහ මිනීවලෙන් දවස් හයට ඇටසැකිලි හයක්
