ශ්රී ලංකාවටත් රටේ ආරක්ෂක හමුදාවන්ටත් එල්ලවූ යුද අපරාධ චෝදනා වලට එරෙහිව නැගී සිටිමින් රටේ ස්වෛරීත්වය ආරක්ෂා කර ගැනීමට
පෙළ ගැසුණු 69 ලක්ෂයක් ජනතාවගේ අභිලාශය මුදුන් පමුණුවාලීම සඳහා අඛණ්ඩව පෙනී සිටින බව සර්ව ජනබලය නියෝජනය කරන මන්ත්රීවරයෙකු ප්රකාශ කර තිබේ.
ඒ සඳහා රටේ පවතින එකම දේශපාලන බලවේගය සර්වජන බලය දේශපාලන එකමුතුව බවයි සර්වජන බලයේ විධායක සභික පාර්ලිමේන්තු මන්ත්රී චන්න ජයසුමන පෙන්වා දෙන්නේ.
2019 දී ජනතාව ලබා දුන් ජන වරම එම ජනවරමින් පාර්ලිමේන්තුවට පැමිණි මහජන නියෝජිතයින් විසින් රනිල් වික්රමසිංහ අනුප්රාප්තික ජනාධිපතිවරයා ඉදිරියේ පාවාදෙමින් සිටින බව ප්රකාශ කල මන්ත්රීවරයා, මේ වන විට ජිනීවා මානව හිමිකම් කොමිසම ශ්රී ලංකාවට එරෙහිව යුධ අපරාධ චෝදනා ගොනු කිරීම සඳහා වාර්තාවක් සකස් කරමින් සිටින අතර එය සැප්තැම්බර් මාසයේදී බොහෝ දුරට ඉදිරිපත් කෙරෙනු ඇති බව ද පැවසීය.
'' මාස දෙකකට සේලයින් ලැබීල '' - වීරසුමන වීරසිංහ
![IMG 20240614 WA0012](/images/2023/2024/Jun/IMG-20240614-WA0012.jpg)
මෙම තත්වය වලක්වා ගැනීමට වහාම ව්යවසායකත්ව දේශීය යාන්ත්රණයක් දියත් කල යුතු බවත් ඒ සඳහා සියලු දේශහිතෙෂි බලවේග එකට එක් විය යුතු බවයි ඔහු අවධාරණය කරන්නේ.
රනිල් වික්රමසිංහ ජනාධිපතිවරයාගේ ලෙඩා මලත් බඩ සුද්දයි න්යාය හේතුවෙන් නන්නත්තාර රටක් පමණක් ඉතිරිවන බව මන්ත්රීවරයා වැඩිදුරටත් සඳහන් කළේය.
69 ලක්ශයෙන් කෙනෙක්නම් 18 වැනිදාට නුගේගොඩට එන්න...
![IMG 20240614 WA0014](/images/2023/2024/Jun/IMG-20240614-WA0014.jpg)
එහිදී 69 ලක්ශයෙන් කෙනෙක්නම් 18 වැනිදාට නුගේගොඩට පැමිණෙන ලෙස මෙරට වාමවාදී ජාතිකවාදී දේශප්රේමී ජනතාව වෙත ගෞරවයෙන් ආරාධනා කරන බව පාර්ලිමේන්තුවේ ස්වාධින මන්ත්රී සංසදය නියෝජනය කරමින සර්වජන බලයේ විධායක සභික චන්න ජයසුමන සඳහන් කළේය.
''ජාතිවාදය පැතිරවීමට ගන්නා උත්සාහය පරාජය කල යුතුයි'' - අනුරාධා යහම්පත්
![IMG 20240614 WA0006](/images/2023/2024/Jun/IMG-20240614-WA0006.jpg)
හිටපු නැගෙනහිර ආණ්ඩුකාර අනුරාධා යහම්පත් සාකච්ඡාවට එක් වෙමින්, ආණ්ඩුව නැවත 13 වන සංශෝධනය හරහා රටපුරා ජාතිවාදය පැතිරවීමට ගන්නා උත්සාහය පරාජය කල යුතු බව අවධාරණය කර සිටියාය.
මව්බිම ජනතා පක්ෂයේ නායක දිලිත් ජයවීර ඇතුළු දේශපාලන පක්ෂ සහ සිවිල් සංවිධාන එකාබද්ධ වෙමින් විවේචන, විසඳුම් සහ පොරොන්දු වෙනුවට උපායමාර්ගික වැඩපිළිවෙලක් යන තේමාව යටතේ "සර්ව ජන බලය" නමින් මෙම දේශපාලන සන්ධානය ආරම්භ කෙරුණු අතර මව්බිම ජනතා පක්ෂයේ නායක දිලිත් ජයවීර, පිවිතුරු හෙළ උරුමයේ නායක උදය ගම්මන්පිල, ප්රජාතාන්ත්රවාදී වාමාංශික පෙරමුණේ ලේකම් වාසුදේව නානායක්කාර, ජාතික නිදහස් පෙරමුණේ නායක විමල් වීරවංශ, ශ්රී ලංකා කොමියුනිස්ට් පක්ෂයේ ලේකම් වෛද්ය ජී විරසීංහ, යුතුකම ජාතික සංවිධානය වෙනුවෙන් පාර්ලිමේන්තු මන්ත්රී ගෙවිඳු කුමාරතුංග සහ පාර්ලිමේන්තු මන්ත්රී මහාචාර්ය චන්න ජයසුමන ප්රමුඛ ස්වාධීන මන්ත්රී සංසදය මෙම දේශපාලන එකමුතුවේ සාමාජිකයින් ලෙස කටයුතු කරයි.
(චතුරංග මේදිස්)