පරිසර ක්‍රියාකාරී මාධ්‍යවේදියකුට එල්ල වු මැර ප්‍රහාරයක් පරිසර සංවිධානයක් විසින් හෙළා දැක තිබේ.
සිංහරාජයේ කුඩව මාර්ගය ඉදිකිරීමට විරුද්ධව විශාල හඩක් නැගූ පරිසර හිතකාමියකු වන ලක්මාල් රණබාහුට පහරදීම දැඩිව හෙළා දකින බවයි පරිසර හා සොබාදහම් අධ්‍යයන මධ්‍යස්ථානය පවසන්නේ.
පරිසර හා සොබාදහම් අධ්‍යයන මධ්‍යස්ථානයේ ජාතික සම්බන්ධීකාරක රවීන්ද්‍ර කාරියවසම් පෙන්වා දෙන පරිදි ලෝක උරුම සිංහරාජය අවට සිදුවන ඉඩම් මංකොල්ලය සම්බන්ධයෙන් ලක්මාල් රණබාහු විසින් දිගින් දිගටම රජයට බලපෑම් කර තිබේ.
කලවාන ප්‍රාදේශීය ලේකම්වරියගේත් සම්බන්ධයක් ඇතුව සිදුවන පරිසර විනාශයක් සම්බන්ධයෙන් විමසීම හේතුවෙන් ප්‍රාදේශිය ලේකම්වරියගේ ස්වාමිපුරුෂයා සහ කලවාන ප්‍රදේශයේ ඇයගේ හිතවතුන් පිරිසක් ජනවාරි 24 ඉරිදා මෙම පහරදීම සිදු කර ඇති බවට පරිසරවේදියා චෝදනා කරයි.
පහර කෑමට ලක් වු ලක්මාල් රණබාහු සැත්කමකට යොමු කර තිබෙන බව සමාජ මාධ්‍ය ඔස්සේ දැනුම් දෙන පරිසරවේදියා වැඩි දුරටත් චෝදනා කරන්නේ කලවාන ප්‍රාදේශීය ලේකම්වරිය දේශපාලන බලය යොදා නීතිය නැමීමට සුදානම් වන බවයි.
ලක්මාල් රණබාහු කලක් පෙරටුගාමී සමාජවාදී පක්ෂයට අනුබද්ධ ‘විවර’ වෙබ් අඩවියේ මාධ්‍යවේදියකු ලෙස ද කටයුතු කළ අයෙකි.
ජනපතිගේ අලුත් කොමිසමට ජාත්‍යන්තර ප්‍රහාරයක්
ජැක් ඇන්ඩ් ජිල්ට වෙච්ච වැඩේ අජිත් රෝහණටත් වෙයිද?
