1200 x 80 DMirror
 
 

අලුතින් රාජ්‍ය සේවයට එක්වන දසදහස් සංඛ්‍යාත කාන්තා බලකායක ප්‍රසූත නිවාඩු හරි අඩකින්ම
කප්පාදු කිරීම සඳහා සම්මත රෙගුලාසි වලට පටහැනිව රජය ගෙන ඇති පියවර සම්බන්ධයෙන් මානව හිමිකම් කොමිසමට යළිත් වරක් පැමිණිල්ලක් ඉදිරිපත්ව තිබේ.
 
මාර්තු 12 සිකුරාදා එම පැමිණිල්ල ඉදිරිපත් කර ඇත්තේ ඒකාබද්ධ සංවර්ධන නිලධාරී මධ්‍යස්ථානය, වෘත්තීය සමිති හා කාන්තා සංවිධාන ඒකාබද්ධවය.
 
ප්‍රසූත නිවාඩු කප්පාදුවට එරෙහිව 2020 සැප්තැම්බර් 7 දින කරන ලද පැමිණිල්ලට අදාළ විභාගය අද දිනයේ මානව හිමිකම් කොමිසමේදී පැවැත්වු බව ඒකාබද්ධ සංවර්ධන නිලධාරී මධ්‍යස්ථානය සදහන් කරයි.
 
රාජ්‍ය සේවා, පළාත් සභා හා පළාත් පාලන අමාත්‍යාංශ ලේකම් නියෝජනය කරමින් ඒකාබද්ධ සේවා අධ්‍යක්ෂක ජනරාල් ආලෝක බණ්ඩාර එම අවස්ථාවට එක්ව තිබේ.
රජයේ සේවයේ යෙදී සිටින මව්වරුන් මේතාක් භුක්ති විඳි සති දොළහක ප්‍රසූත නිවාඩු වෙනුවට ගිය අවුරුද්දේ සිට  බඳවාගන්නා ලද අභ්‍යාසලාභී උපාධිධාරිනියන්ට සහ  අඩු ආදායම්ලාභීන්ට රැකියා ප්‍රධානය කිරීමේ වැඩපිළිවෙළ යටතේ බදවාගත් කාන්තාවන්ට ලබා දෙන්නේ සති හයක් නිවාඩුවක් පමණි.
රාජ්‍ය කාර්ය මණ්ඩලවල කාන්තාවන්ට හිමිව තිබු දින 84 ප්‍රසුත නිවාඩුව නව රජය විසින්  දින 42 ක් දක්වා අඩු කිරීම,  වෘත්තිය සමිති විසින් පෙන්වා දෙන්නේ ඉපදීමට සිටින දරුවන්ගේද මුලික මානව හිමිකම් කඩකිරීමක් ලෙසිනි.
 
මානව හිමිකම් කොමිසමට පැමිණිල්ල ඉදිරිපත් කිරීමෙන් පසු මාධ්‍ය වෙත අදහස් දක්වමින් ඒකාබද්ධ සංවර්ධන නිලධාරී මධ්‍යස්ථානයේ ලේකම් ධම්මික මුණසිංහ පෙන්වා දුන්නේ, ආණ්ඩුව විසින් පසුගිය සැප්තැම්බර් 2 දින අභ්‍යාස ලාභි උපාධිධාරීන් ලෙස රාජ්‍ය සේවයට බදවා ගත් පිරිසෙන් බහුතරයක් වන උපාධිධාරිනියන්ට මෙන්ම අඩු ආදායම්ලාභීන්ට රැකියා ප්‍රධානය කිරීමේ වැඩපිළිවෙළ යටතේ බදවාගත් කාන්තාවන්ට ප්‍රසුත නිවාඩුව හරි අඩකින් කප්පාදු කර ඇති බවයි.
 
ආයතන සංග්‍රහයට පිටින් යමින් වත්මන් ආණ්ඩුව ප්‍රසූත නිවාඩු හරි අඩකින්ම කප්පාදු කර ඇති බවට වෘත්තිය සමිති නායකයා එහිදී චෝදනා කළේය. Dammika 2021.03.12
 
 
 
 
" ආයතන සංග්‍රහයේ 18 වන වගන්තියේ තියනවා ස්ථිර, තාවකාලික, අනියම් , අභ්‍යාසලාභි නිලධාරීනියන්ට මේ වගන්තිය යටතේ වැඩ කරන දින 84 ක ප්‍රසුත නිවාඩු දෙන්න ඔන කියලා. එතකොට මේ ආයතන සංග්‍රහයට පිටින් ගිහිල්ලා තමයි මේ ගෝඨාභය රාජපක්ෂ ආණ්ඩුව මේ දරුවන් ගැන දුකෙන් කතා කරන, මව්වරුන් ගැන දුකෙන් කතා කරන ආණ්ඩුව ප්‍රසුත නිවාඩු කප්පාදු කරේ. "
 
මානව හිමිකම් කොමිසමට ඉදිරිපත් කරන පැමිණිලි විභාගයට ගැනීම මාස ගණනින් පමා කරන බවටත් ධම්මික මුණසිංහ එහිදී චෝදනා කළේය.
 

 

 

 


 

 

චන්ද්‍රිකාට-මහින්දට ඇති - ගෝඨට-සජිත්ට නැති එකක් ගැන චින්තන කියයි

 

සමාජ මතවාදය තේරුම් නොගන්නා කිසිම ආණ්ඩුවකට ගමනක් නැත. - සුරේන් රාඝවන්

 

logo

subscribeYT

subscribeYT

නවතම පුවත්