1200 x 80 DMirror
 
 

පුද්ගලයන් 11 දෙනෙකු පැහැර ගෙන ගොස් අතුරුදහන් කිරීමේ නඩුවෙන් නාවික හමුදාවේ හිටපු ප්‍රධානියෙක් නිදහස් කිරීමට අල්ලස් ලබා ගෙන ඇති බවට මානව හිමිකම් සංවිධානයක් නීතිපතිට චෝදනා කර තිබේ.
 
අතුරුදහන්වුවන්ගේ පවුල් එකතුවේ සභාපති බ්‍රිටෝ ප්‍රනාන්දු මේ ගැන පැමිණිල්ලක් අල්ලස් හා දුෂණ කොමිසමේ සභාපති වෙත යොමු කරමින් පවසන්නේ, නඩු විභාගයක් අවසන්වීමට පෙර හදිස්සියේ හිටපු නාවික හමුදාපති කරන්නාගොඩගේ අධි චෝදනා ඉවත් කිරීමට නීතිපති කටයුතු කිරීම කිසියම් වරප්‍රසාදයක් හෝ ලාභයක් අපේක්ෂාවෙන් කරන ලද්දක් බවට සැක මතුවන බවය.
 
යුද්ධය උත්සන්නව පැවති 2008 -2009 වකවානුවේ කොළඹ පදිංචි පුද්ගලයන් 11 දෙනෙක් පැහැර ගෙන ගොස් අතුරුදහන් කළ බවට හිටපු නාවික හමුදාපති වසන්ත කරන්නාගොඩ ඇතුළු චුදිතයන් 14 දෙනෙකුට එරෙහිව මහාධිකරණ නඩු විභාගයක් පැවැත්විනි.
 
 
 
Dehiwala Navy 
 
ඉකුත් 4 වැනිදා මහාධිකරණ ත්‍රිපුද්ගල විනිසුරු මඩුල්ලක් ඉදිරියේ නඩුව කැඳවූ අවස්ථාවේදී නීතිපති දන්නවා සිටියේ විත්තිකාර හිටපු නාවික හමුදාපතිට එරෙහිව ගොනු කර ඇති අධි චෝදනා ඉවත් කර ගන්නා බවයි.
 
''නීතිපති හා නඩුව මෙහෙයවූ රජයේ නීතිඥයා විසින් විත්තිකරුගේ, විත්තියේ නීතිඥයාගේ හෝ කිසියම් දේශපාලන බලාධිකාරියක අයුතු විෂමාචාරි බලපෑමකට හෝ වරප්‍රසාදයකට විත්තිකාර කරන්නාගොඩ ගේ චෝදනා ඉවත් කර ගැනීමේ නීති විරෝධී උත්සහයක නිරත බව'' අතුරුදහන්වුවන්ගේ පවුල් එකතුව චෝදනා කරයි.
 
 දහ තුන් වසරක් පුරා සිය සමීපතමයන්ට යුක්තිය අපේක්ෂාවෙන් සිටි වින්දිත මාපියන්හට අයුක්තියක් කිරීම සඳහා විත්තිකරු වෙනුවෙන් චෝදනා ඉවත් කරගෙන ඇති බැවින් එය අල්ලස් හෝ දුෂණ විමර්ශන පනත අනුව සාපරාධී වරදක් බව  පෙන්වා දෙන අතුරුදහන්වුවන්ගේ පවුල් එකතුව අල්ලස් කොමසාරිස් ගෙන් ඉල්ලා සිටින්නේ මේ ගැන වහා විමර්ශනයක් කොට නීතිමය පියවර ගනිමින්  වින්දිතයන්ට යුක්තිය ඉටු කරන ලෙසයි.
 
පැහැරගෙන ගොස් අතුරුදහන් කෙරුණු 11 දෙනාගේ මාපියන් හා ඥාතීන් විසින් ඉකුත් 5 වැනිදා නීතිපති සංජය රාජසිංහම් වෙත ලිපියක් යොමු කරමින් ඉල්ලා සිටියේ විත්තිකාර හිටපු නාවික හමුදාපතිට එරෙහි අධි චෝදනා ඉවත් කර නොගන්නා ලෙසයි.
 
 
 
 
 
 
සබැඳි පුවත් :
 

 
THE LEADER TV 
 
නොදන්නා පාස්කුවක් කියා : ඔසීගේ පුතා ඉල්ලං කයි 
 
 
 
  
නාමල්-නිමාලි ඔලිම්පික් හුටපටය! ඇත්ත කතාව තිත්ත රහට! 
 
 
 

subscribeYT

subscribeYT

WhatsApp Image 2021 09 13 at 13.49.58