1200 x 80 DMirror
 
 

කොවිඩ් 19 වසංගතයෙන් බේරාගත හැකි මිනිස් ජිවිත ගනන සැළකිල්ලට ගනිමින් රට වසා දැමීම
තවත් කාලයක් දීර්ඝ කලයුතු බව ශ්‍රීලංකා වෛද්‍ය සංගමය ආණ්ඩුවට නිර්දේශ කර තිබේ.
 
ශ්‍රී ලංකා වෛද්‍ය සංගමය හා එක්ව අන්තර් වෛද්‍ය විද්‍යාල කමිටුව කොවිඩ් 19 සමනයට නිර්දේශ ඉදිරිපත් කරමින් පෙන්වා දෙන්නේ ඔක්තෝම්බර් 02 වැනිදා තෙක් රට වසා දැමුවහොත් මිනිස් ජිවිත 10,000 ක් බේරා ගත හැකි බවය.
 
''සංචාරක ව්‍යාපාරයට හිතකර තත්වයක් රට තුල ඇති කර ගැනීමට නම්, දිනකට වාර්තා වන රෝගීන් ගනන 950 කට අඩු විය යුතුයි වාගේම පරීක්ෂණ වලින් තහවුරු වන කොවිඩ් ආසාදිතයන් අනුපාතයද සියයට 2.5 ට අඩු විය යුතුය.'' යනුවෙන් ශ්‍රී ලංකා වෛද්‍ය සංගමයේ සභාපති විශේෂඥ වෛද්‍ය පද්මා ගුණරත්න හා අන්තර් වෛද්‍ය විද්‍යාල කමිටුවේ කැඳවුම්කාර මහාචාර්ය තමාසි මකුළොලුව නිකුත් කළ නිවේදනයේ දැක්වේ.  
 
සංචරණ සිමා හා සෞඛ්‍ය උපදෙස් දැඩි ලෙස ක්‍රියාත්මක කරමින් කෘෂි කාර්මික හා එළිමහන් වෙළඳපොල සඳහා අවසර ලබා දීම නිර්දේශ කරන වෛද්‍ය සංගමය, පොදු ප්‍රවාහන සේවා, මංගල උත්සව, රුපලවන්‍යාගාර, ආපන ශාලා, සමාජ ශාලා සහ තැබෑරුම් යළි විවෘත කිරීම නොකළ යුතු බව පවසයි. 
 
දැනට රට වසා දැමීමේ ක්‍රමවේදයේ  ලිහිල්භාවය නිසා නිසි ප්‍රථිපල ලබා ගත නොහැකි බවද ඔව්හු අවධාරණය කරති.
 
 
''වයස අවුරුදු 60 ට වැඩි සියලු දෙනාටත්, වයස අවුරුදු 18 ත් 60 ත් අතර රෝගී අයටත් ප්‍රමුඛතාවය  දෙමින් එන්නත්කරණය කළ යුතුය'' යි  පවසන වෛද්‍ය සංගමය, ඒ සඳහා දැනට බහුලව ඇති සයිනොෆාම් එන්නත නිර්දේශ කරයි.  
 
ප්‍රතිශක්තිය අඩු ලේ පිළිකා, ටියුමර්, අවයව බද්ධ කර ඇති අය,  ඩිජෝර්ජ් සින්ඩ්‍රෝමය, විස්කොට් ඇල්ඩ්රිච් සින්ඩ්‍රෝමය ආදී රෝගයන්ගෙන් පෙළෙන සහ ඒඩ්ස් ආසාදිතයන් ට ප්‍රමුඛතාවය දිය යුතු බවත්, වකුගඩු රෝග, පිළිකා, දියවැඩියාව, මස්තිෂ්ක අංශභාගය, හෘද රෝග, තැලසීමියා හා පෙනහළු, අක්මා, වල නිදන්ගත රෝග වලින් පෙළෙන වයස අවුරුදු 12 ත් 18 ත් අතර ළමුන් සඳහා ෆයිසර් එන්නත ලබා දීමට වෛද්‍ය සංගමය නිර්දේශ කරයි. 
 
  
ස්පුට්නික් දෙවන මාත්‍රාව ලබා ගැනීමට නොහැකි බැවින් ඒ වෙනුවට ෆයිසර්, මොඩර්නා හෝ අස්ට්‍රෝසොනිකා එන්නත් ලබා දීමත්, එතරම් ප්‍රතිශක්තියක් නොමැති වයස අවුරුදු 60 ට වැඩි ඇස්ට්‍රෝසොනිකා, ෆයිසර්, සහ මොඩර්නා එන්නත් ලබා ගත් සියල්ලටම පළමු මාත්‍රා දෙක ලබා ගෙන මාස 6 කට පසු තුන්වෙනි මාත්‍රාව ලෙස ඇස්ට්‍රෝසොනිකා එන්නත නිර්දේශ කර තිබේ. 
 
 ඊට අමතරව වෛද්‍ය සංගමය යෝජනා කරන්නේ ප්‍රතිශක්තිය අඩුව අයගේ ප්‍රතිශක්තිය වැඩි කිරීම සඳහා ''බුස්ටර්''` මාත්‍රාවක් ලබා දිය යුතු බවය. 

 

 

 


 

THE LEADER TV 
 
 

ප්‍රශ්න යටගහන අලුත් තුරුම්පුව පහන්තුඩාව SEX වීඩියෝව!

 

බැසිල්ගේ ආර්ථික පුනරාගමනය එන්නේ : අපේ ඊළඟ ආත්මේ | මොණරවිලගේ ලියමන 1

 
 

subscribeYT

subscribeYT

WhatsApp Image 2021 09 13 at 13.49.58