1200 x 80 DMirror
 
 

 ළමා අයිතිවාසිකම් හා සමාජ ආරක්ෂණය තහවුරු කිරීම සඳහා සෑම දරුවෙකුටම උපතේදී ජාතික හැඳුනුම්පත් අංකයක් නිකුත් කළ යුතු බවට වෛද්‍යවරුන්ගේ ප්‍රධානතම වෘත්තීය සංගමය යෝජනා කර තිබේ.
දරුවන්ට කොවිඩ් එන්නත් ලබා දීම සඳහා සෞඛ්‍ය සේවා අධ්‍යක්ෂ ජනරාල්ගේ  ප්‍රධානත්වයෙන් පිහිටවූ තාක්ෂණික කමිටුවේදී එන්නත් ලබාදෙන දරුවන් සඳහා හැඳුනුම්පත් අංකයක් නොමැති වීම පිළිබඳව අවධානය යොමුවූ බවයි රජයේ වෛද්‍ය නිලධාරීන්ගේ සංගමය පවසන්නේ.
 
පවුල් සෞඛ්‍ය කාර්යංශය මින් පෙර දරුවන් සඳහා උපතේදී ජාතික හැදුනුම්පත් අංකයක් ලබා දීම පිළිබඳව ඉදිරිපත් කළ යෝජනාව පිළිබඳව තාක්ෂණික කමිටුවේ අවධානය යොමු කෙරුන බව එම සංගමය තව දුරටත් පෙන්වා දෙයි.
 
 රජයේ වෛද්‍ය නිලධාරීන්ගේ සංගමයේ  ප්‍රධාන ලේකම් වෛද්‍ය සෙනාල් ප්‍රනාන්දු අත්සනින් යුතුව නිකුත් කර ඇති නිවේදනයක සදහන්ව ඇත්තේ, සිය සංගමය 2020 දෙසැම්බර් 30 වන දින “නව ව්‍යවස්ථාවක් කෙටුම්පත් කිරීම සඳහා පත්කළ විශේෂඥ කමිටුව” වෙත ළමා අයිතිවාසිකම් තහවුරු කිරීම සඳහා සෑම දරුවෙකුටම උපතේදී ජාතික හැඳුනුම්පත් අංකයක් නිකුත් කරන ලෙස යෝජනා කර සිටි බවයි.
 
එම අංකය ඇතුලත් හැඳුනුම්පත අවුරුදු 16 දී හෝ ඉන් පෙර ඔවුන්ට ලබා දීමට කටයුතු කරන ලෙසත් එහිදි යෝජනා කළ බව වෛද්‍ය සෙනාල් ප්‍රනාන්දු තව දුරටත් සදහන් කරයි.
 
මෙලෙස දරුවන් සඳහා උපතේදී ජාතික හැඳුනුම්පත් අංකයක් ලබා දීම මගින් ලැබෙන ප්‍රතිලාභ පහක් රජයේ වෛද්‍ය නිලධාරීන්ගේ සංගමය විසින් පෙන්වා දී ඇත.
 
 
 
1.මව් රටේ පුරවැසි අයිතිය පිළිබඳ හැඟීමක් දරුවන් තුල ඇති වීම,
 
 
2.ළමා අපචාර  හා ළමා මෙහෙකාර සේවය නිසා දරුවන්ට සිදුවන බලපෑමෙන් ආරක්ෂා කරගත හැකි වීම,
 
 
3.දරුවන් සඳහා රට පුරා ඒකාකාරී සෞඛ්‍ය සේවාවක් තහවුරු කරන හඳුනාගැනීමේ ක්‍රමවේදයක් ලෙස භාවිතා කිරීම,
 
 
4.දරුවන්ගේ අධ්‍යාපන හා සමාජයීය අවශ්‍යතා සැපිරීමේදී හඳුනාගැනීමේ රහස්‍ය අංකයක් ලෙස භාවිතා කිරීම,
 
 
5.සීමිත සම්පත් දරුවන් වෙත ලබා දීමේදී සමානාත්මතාවය තහවුරු කරන ක්‍රමවේදයක් ලෙස භාවිතා කිරීම.
 
 
 
වෛද්‍ය සෙනාල් ප්‍රනාන්දු සැප්තැම්බර් 27 වැනි සදුදා නිකුත් කළ මාධ්‍ය නිවේදනයේ වැඩි දුරටත් සදහන් කර ඇත්තේ  ඉහත යෝජනාවලිය තුලින් දරුවන්ගේ අයිතිවාසිකම් සහ සමාජ ආරක්ෂණය තහවුරු කර දෙන ආකාරය පෙන්වා දෙමින් රජයේ වෛද්‍ය නිලධාරීන්ගේ සංගමය අද දින  ජනාධිපතිට  ලිපියක් යොමු කරමින් එම යෝජනාවලිය ක්‍රියාත්මක කිරීම සඳහා අවධානය යොමු කරන ලෙස ඉල්ලා සිටි බවයි.
 
 
 
THE LEADER TV 
මහමොළකරු අතුරුදහන් ලිස්ට් එකේ ?
විමල්ලා පන්නා ජාතික ආණ්ඩුවකට සුදානම් !

 

subscribeYT

subscribeYT

WhatsApp Image 2021 09 13 at 13.49.58