එම වාර්තාවට අනුව, කොළඹ කොටුව මහේස්ත්‍රාත් අධිකරණය විසින් ලබා දුන් නියෝගයකට අනුව, විශ්වවිද්‍යාලයෙන් CID විසින් කරන ලද විමසුමකට ප්‍රතිචාර වශයෙන් මෙම තහවුරු කිරීම එවා ඇත.
විශ්වවිද්‍යාලය රාජ්‍ය අරමුදල් ලබන රජයට අනුබද්ධ ආයතනයක් බව විශ්වවිද්‍යාලයේ උපකුලපතිවරයා CID අධ්‍යක්ෂවරයාට ද දන්වා තිබේ.
අන්‍යෝන්‍ය නීති සහයෝගීතා රාමුව යටතේ තොරතුරු ඉල්ලා සිටීමට නීතිපති දෙපාර්තමේන්තුව මීට පෙර සැලසුම් කරමින් සිටියද, ඒ වෙනුවට CIDය ප්‍රශ්න මාලාවක් සහිත විද්‍යුත් තැපෑලක් විශ්වවිද්‍යාලයට යවා ඇති අතර, එයට විශ්වවිද්‍යාලය පිළිතුරු දී ඇත.
වුල්වර්හැම්ප්ටන් විශ්ව විද්‍යාලයෙන් ලැබුණු විද්‍යුත් තැපෑල ප්‍රතිචාරය පිළිබඳව CIDය නීතිපති දෙපාර්තමේන්තුවට හෝ නඩු පැවරීමට නායකත්වය දෙන අතිරේක සොලිසිටර් ජෙනරාල් දිලීප පීරිස්ට දැනුම් දී තිබේද යන්න පැහැදිලි නොමැත.
2023 දී ජනාධිපති ධුරය දැරූ සමයේ එක්සත් රාජධානියට කළ ‘පෞද්ගලික සංචාරයකදී’ රාජ්‍ය අරමුදල් රුපියල් ලක්ෂ 166 කට වඩා අවභාවිත කර ඇතැයි චෝදනා කරමින් හිටපු ජනාධිපතිවරයාට එරෙහිව අපරාධ පරීක්ෂණ දෙපාර්තමේන්තුව විශේෂ විමර්ශනයක් ආරම්භකර ඇත.
වුල්වර්හැම්ප්ටන් විශ්වවිද්‍යාලයේ උපාධි ප්‍රදානෝත්සවයට සහභාගී වීම සඳහා වික්‍රමසිංහ රාජ්‍ය වියදමින් මෙම සංචාරය සිදු කළ බවට CID චෝදනා කරයි.
ඔහුට එරෙහි CID නඩුව අප්‍රේල් 27 වැනි දින නැවත විභාගයට ගැනීමට නියමිතය.
හිටපු ජනාධිපතිවරයාට බරපතල හෘද සැත්කමක්; වෛද්‍යවරුන්ගෙන් 'අමුත්තන්ට අවසර නැත' නියෝගයක් !
පසුගියදා සිංගප්පුරුවේ රෝහලක දී සිදුකල හෘද සැත්කමකින් පසු රනිල් වික්‍රමසිංහ මේවනවිට සුවය ලබමින් සිටී.
වාර්තාවලට අනුව, මෙම සතිය මුලදී සිදුකළ සැත්කම සඳහා ‘පැය කිහිපයක්’ ගතව තිබේ.
සුවවීමේ ක්‍රියාවලියේදී දැඩි විවේකයක් ලබාගන්නා ලෙස ඔහුගේ වෛද්‍යවරු උපදෙස් දී ඇති අතර, ඔහුව බැලීමට පවුලේ සාමාජිකයන්ට පමණක් සීමාකර ඇත.
| ceylonwire
මුලාශ්‍ර ලිපිය :
Wolverhampton University says it invited Wickremesinghe for graduation ceremony
