අප්‍රේල් 1 වැනිදා ඉන්ධන මිල වැඩිවීමක් සිදු නොවන බව කී හෙතෙම ඉන්ධන මිල සූත්‍රය ක්‍රියාත්මක බව ද කීය.
ලෝක වෙළෙඳපොලේ තෙල් මිලේ ඇති වූ දැඩි උච්චාවචනයන් හේතුවෙන් එම සූත්‍රය ප්‍රායෝගිකව යොදාගැනීමට අපහසු තත්ත්වයක් පවතින බවද ඔහු සඳහන් කළේය.
මාධ්‍යවේදීන් නැවත නැවත කළ ප්‍රශ්න කිරීමේදී, ඇමැතිවරයා පැවසුවේ සාමාන්‍ය තත්ත්වයන් යටතේ මිල සූත්‍රය අනුව මිල සංශෝධනය කළ හැකි නමුත්, බොර තෙල් මිල ඩොලර් 70 සිට 130 දක්වා ඉහළ යාම වැනි විශාල වෙනස්වීම් වලදී එය ගැළපීම අපහසු බවයි.
එහෙත්, “මිල සූත්‍රය ක්‍රියාත්මකද?” යන ප්‍රශ්නයට පිළිතුරු දීමේදී, එය ක්‍රියාත්මක බව පවසමින්, පසුගිය සංශෝධන සූත්‍රයට අනුව සිදු නොවූ බවද ඔහු ප්‍රකාශ කළේය.
මෙම ප්‍රකාශයන් හේතුවෙන්, ඉන්ධන මිල සූත්‍රය සම්බන්ධයෙන් රජයේ ස්ථාවරය පිළිබඳ අපැහැදිලිභාවයක් ඇති බව පෙනී යයි.
(සටහන | ගිම්හාන් ද සිල්වා)
