ඇමරිකාවේ රිපබ්ලිකන් පක්ෂ පාලනය අපිට ගොඩක් උදව් කරා. 2006 දී යුරෝපා සංගමය ලවා කොටි සංවිධානය ත්‍රස්තවාදී සංවිධානයක් හැටියට නම් කරගන්න අපට පුලුවන් වුණේ ඇමරිකාවේ උදවු නිසා. 2007 කොටි සංවිධානයේ ආයුධ නැව් ඕස්ට්‍රේලියාවට හා ඉන්දුනීසියාවට සමීප ජාත්යන්තර මුහුදේදී අපට විනාශ කරන්න පුලුවන් වුණේ ඇමරිකාවෙන් දීපු නිශ්චිත තොරතුරක් නිසා. නමුත් 2009 පෙබරවාරි මාසයේ ඉඳල ඇමරිකාවේ අලුත් ජනාධිපතිවරයෙක් පත්වුණා. එතකොට ඒගොල්ලන්ගෙ ආකල්පය වෙනස් වුණා. නමුත් අපි ජාත්යන්තර බලපෑම් නොතකා යුද්ධය අවසන් කළා'' යයි හිටපු ජනාධිපති මහින්ද රාජපක්ෂ මහතා පවසයි.
වත්මන් විපක්ෂ නායක මහින්ද රාජපක්ෂ මහතා එබව සඳහන් කළේ 2009 මැයි 19 වෙනිදා LTTE සංවිධානය යුධමය වශයෙන් පරාජය කිරීමේ දස වෙනි සංවත්සරය නිමිත්තෙන් විජේරාම නිල නිවසේදී පැවැත් වූ විශේෂ දේශනයේ දිය.
එම විශේෂ දේශනයේ පිටපත මාධ්‍ය වෙත යොමුකර ඇති අතර එහි මෙසේද සඳහන් වේ.
''චීනය උදව් කරන එක ප්‍රශ්නයක් වුනා''
''ලංකාවෙ යුද්ධය අවසන් වුණාට මේ රටට සාමය උදාවෙන්න සමහර ජාත්යන්තර මෙන්ම දේශීය බලවේග ඉඩ දුන්නෙ නැහැ. යුද්ධය අවසන් වෙච්ච දවසෙ ඉඳලම ඒ අය කළේ අතීතය කබල්ගාමින් ගැටුම කොහොම හරි පවත්වාගෙන යන එකයි. තමන්ගේ කීම අහන්නෙ නැතුව අපි යුද්ධය ඉවර කරාය කියන එක ඇතැම් අයට ප්‍රශ්නයක් වුණා. චීනය අපට උදවු කරනවාය කියන එකත් ඒ අයට ප්‍රශ්නයක් වුණා. ''
විපක්ෂ නායක මහින්ද රාජපක්ෂ මහතා පැවැත් වූ විශේෂ දේශනයේ පිටපත කිසිඳු සංශෝධනයකින් තොරව පහත පළවේ.
