ඒ අනුව දෛනික ජාතික ප්‍රවාහන සේවාවන් සීමා කිරීමට සිදුවන බවත් ඔහු අවධාරණය කළේය.
මෙම තීරණය ගෙන ඇත්තේ රාජ්‍ය සේවකයන්ට අඛණ්ඩව දින තුනක් සේවයෙන් තොරව සිටීම වැළැක්වීම සඳහා බවද ඔහු පැවසීය.
එම තත්ත්වය සැලකිල්ලට ගනිමින් පෞද්ගලික අංශයද ඒ අනුව කටයුතු කරනු ඇතැයි අපේක්ෂා කරන බව ඔහු කියා සිටියේය.
අත්‍යවශ්‍ය සේවාවන්හි යෙදෙන අය පවා තනි වාහන භාවිත කිරීම වෙනුවට සමූහ ප්‍රවාහන සේවා භාවිත කිරීම සුදුසු බවද ඔහු අවධාරණය කළේය.
QR ලියාපදිංචිය පැයට 30,000ක්
පැයකට සමාන්‍යයෙන් 30,000කට ආසන්න පිරිසක් QR කේතයට ලියාපදිංචි වෙමින් සිටින බව කැබිනට් මාධ්‍ය ප්‍රකාශක නලින්ද ජයතිස්ස සඳහන් කළේය.
QR පද්ධතියේ තාක්ෂණික ගැටලු පිළිබඳ අවබෝධයෙන්ම මෙම ක්‍රියාවලිය ආරම්භ කළ බවද ඔහු පැවසීය.
ඉන්ධන හල් සියල්ල වසා දමා QR පද්ධතිය සකස් කිරීම කළහොත් ප්‍රධාන අරමුණු වලට බාධා ඇතිවන බවද ඔහු පැහැදිලි කළේය.
පැයකට සමාන්‍යයෙන් 30,000කට ආසන්න පිරිසක් QR කේතයට ලියාපදිංචි වෙමින් සිටින බව කැබිනට් මාධ්‍ය ප්‍රකාශක නලින්ද ජයතිස්ස සඳහන් කළේය.
QR පද්ධතියේ තාක්ෂණික ගැටලු පිළිබඳ අවබෝධයෙන්ම මෙම ක්‍රියාවලිය ආරම්භ කළ බවද ඔහු පැවසීය.
ඉන්ධන හල් සියල්ල වසා දමා QR පද්ධතිය සකස් කිරීම කළහොත් ප්‍රධාන අරමුණු වලට බාධා ඇතිවන බවද ඔහු පැහැදිලි කළේය.
කලින් ලියාපදිංචි කළ වාහන හා අංක එකසේ පවතින අවස්ථාවල කිසිදු ගැටලුවක් නොමැතිව පද්ධතිය භාවිත කළ හැකි බවද ඔහු කියා සිටියේය.
එසේම වාහන අංක වෙනස් කිරීම, නව වාහන ලියාපදිංචි කිරීම සහ හිමිකාරීත්වය මාරු කිරීම සම්බන්ධ ගැටලුද මේ වන විට විසඳමින් පවතින බවද ඔහු වැඩිදුරටත් සඳහන් කළේය.
