ඒ ඔහුගෙන් හා ඔහුගේ පවුලේ සාමාජිකයින්ගෙන් ප්‍රකාශයක් ලබාගැනීමෙන් අනතුරුවය.
මල්වාන ප්‍රදේශයේ අද උදැසන සෝදිසි මෙහෙයුමක් කළ ආරක්ෂක අංශ විසින් ඔහුව අත්අඩංගුවට ගෙන තිබුනේ ඔහුගේ නිවසේ තිබී බෝර වර්ගයේ තුවක්කුවක උණ්ඩ 93ක් සොයා ගැනීම හේතුවෙනි.
සහකාර පොලිස් අධිකාරීවරයකු විසින් අදාල ස්ථානය පුළුල් පරීක්ෂාවකට ලක් කර ඇති අතර පතුරම් හමු වූ ස්ථානය සම්බන්ධයෙන් අලි හසන් මහතාගේ ඇති ස්ථානිය දැනුමද එහිදී පරීක්ෂා කර ඇත.
කෙසේවුවද අලි හසන් මහතාගේ නිර්දෝෂිභාවය සනාථ විමෙන් පසු ඔහුව වහාම මුදාහැරීමට බියගම පොලිස් ස්ථානාධිපති, ප්‍රධාන පොලිස් පරීක්ෂක අශෝක කරුණාරත්න මහතා විසින් ගත් ක්‍රියාමාර්ගය ප්‍රදේශවාසී මුස්ලිම් ජනතාවගේ ප්‍රසංසාවට ලක්ව තිබේ.
පතුරම් තිබූ අලි හසන් මහතාගේ නිවස ඔහුගේ බිරිඳගේ පියාට අයත්වූවක් වන අතර ඔහුගේ බිරිඳගේ පියා මීට පෙර බලපත්‍ර සහිත ගිනි අවියක් භාවිත කර තිබූ බවද වාර්තා වේ.
අලි හසන් මහතා අත්අඩංගුවට ගැනීමේ සිද්ධිය සම්බන්ධයෙන් 'ද ලීඩර්' අද දහවල් අලී හසන් මහතාගේ පුත්‍රයකු ගෙන් කළ විමසීමකදී පැවසුයේ, ආරක්ෂක අංශ විසින් අද උදැසන මල්වාන ප්‍රදේශයේ නිවෙස් සොදිසිකල අවස්ථාවේදී සිය නිවසේ සිවිලිමේ තිබි බෝර තුවක්කුවක උන්ඩ සොයාගත් බවයි.
එහිදී ඔහු වැඩිදුරටත් මෙසේ ද පැවසිය.
'' මේ ගෙදර අපේ සීයාගේ. අම්මගේ තාත්තගේ. අපේ සීයාට බෝර තුවක්කුවක් තිබිලා තියනවා. 88-89 භීෂණ කාලයේ සියා ඒ තුවක්කුව පොලිසියට බාරදීලා. දැන් සියා මියගිහින් වසර 17කට වැඩියි. අපේ තාත්තා මේ නිවසට ඇවිත් තියන්නේ පස්සේ කලෙක, අම්මව බැන්දට පස්සේ.
සියා ඒ තුවක්කුවට අදාල උණ්ඩ වහලේ සඟවලා තිබුනා කියලා අපි කව්රුවත් දැනගෙන හිටියේ නැහැ. අද උදේ අපේ මාමලා ඇවිත් ආරක්ෂක අංශවලට කීවා සීයාට තුවක්කුවක් තිබුනා එක පොලිසියට බාරදුන්නා කියලා. තාත්තා ඒ කියනකොටත් ඒ ගැන දැනගෙන ඉඳලා නැහැ.
අපි ආරක්ෂක අංශවලට කිවා මේවා අලුත් උණ්ඩ ද ? පරණ උන්ඩ ද කියලා හොයා බලන්න කියලා. අපේ පවුලේ කිසිවකුත් ත්‍රස්ත සංවිධානවලට සම්බන්ධ නැහැ. ''
මුදල් අමාත්‍යාංශ ප්‍රවෘත්ති අධ්‍යක්ෂ අත්අඩංගුවට ගැනීමේ ඇත්ත කතාව