ගොඩක් වෙලාවට මේ අපරාධය සිදුවන්නේ පාරේ යන මිනිස්සුන්ගෙන් නොවේ. ලගින්ම ඇසුරු කරන අය, එක්කෝ ගුරුවරයෙක් එහෙමත් නැත්නම් ඒ දරුවාගේ විශ්වාසය වැඩියෙන්ම දිනාගෙන ඉන්න කෙනාගෙන්. පසුගිය කාලේ විවිධ මතවාද ආවා. නමුත් ඉදිරියේදී සාකච්ජාවකින් අනතුරුව අපි තීරණයක් ගන්න ඕන ලිංගික අධ්‍යාපනය දරුවන්ට ලබා දෙන්න. මේවා තවත් හංගා ගෙන ඉදලා හරියන්නේ නැහැ” යැයි කොළඹදී පැවති වැඩසටහනකට එක්වෙමින් අධිකරණ අමාත්‍යවරයා කියා සිටියේය.
දරුවන්ට ලිංගික අධ්‍යාපනය දීම, ළමා අපචාර වලට වෙනම අධිකරණයක් ආදී ලෙසින් ඇමති අලි සබ්රි පසුගියදා කල එවැනි ප්‍රකාශ පිළිබඳව සිය FB පිටුවේ සටහනක් තබන දේශපාලන විචාරක මහේෂ හපුගොඩ මෙසේ සඳහන් කර ඇත.
''මේ වෙලාවේ වැදගත් ම දේශපාලන නිරීක්ෂණය වෙන්න ඕනි පොහොට්ටුව ඇතුලේ ම තියෙන 'පොහොට්ටුව නොවන දේ' කියන එක තමයි 'ඔළුව පීරන මෛත්‍රී' නම් මගේ ඊයේ පෝස්ටුවේ යෝජනාව උනේ.
ඉනුත් විශේෂයෙන් ගොඩක් ආන්දෝලනාත්මක ප්‍රකාශ කිහිපයක් අධිකරණ ඇමති මොහොමඩ් අල් සබ්රි විසින් කරමින් තිබෙනවා කියන එක අපේ අවධානයට පාත්‍ර වෙන්න ඕනි.
ඒවා කෙලින් ම පොහොට්ටු අයිඩියොලොජි එකට අහුවෙන්නේ නැති ඊට තරමක් පිටින් පවතින ඒවා වගේ තමයි බැලූ බැල්මට පේන්නේ.
දරුවන්ට ලිංගික අධ්‍යාපනය දීම, ළමා අපචාර වලට වෙනම අධිකරණයක්, සියළු අයට එකට සිටිය හැකි ජාතිකවාදය (inclusive nationalism), බහිස්කරණය වෙනුවට ඇතුලත් කර ගැනීම, වගේම සබ්රි ගේ පෞද්ගලික ජීවිතේ සයින් ටිකත් අයිති වෙන්නේ මොඩ් කියන පැත්තට.
ඒ කියන්නේ මොඩ් සංඥා (modern signs) ටිකක් ඒ කඳවුරේ වැඩ කරන්න පටන් අරන් තියෙනවා සිංහල බෞද්ධ හැඟවූමට යටත්ව. ඒක අළුත් තත්වයක්. ඉතාම රළු වර්ගීකරණයක් ඇතුලේ ගත්තොත් ඒවා අපේ කඳවුර පැත්තේ තිබුණ දේවල්.
ඒකයි මම මැතිවරණයෙන් පස්සේ පෝස්ටුවේ කිව්වේ 'බයියෝ' කියන්නේ බයියෝ ම නෙවෙයි ටොයි ගති තියන අය කියල. ඒ නිසා බනින්න එපා කියල.
''ඒකයි මම මැතිවරණයෙන් පස්සේ පෝස්ටුවේ කිව්වේ 'බයියෝ' කියන්නේ බයියෝ ම නෙවෙයි ටොයි ගති තියන අය කියල. ඒ නිසා බනින්න එපා කියල.''
මේ ආණ්ඩුවේ වැඩියෙන් ම උපුටන කෙනා බවට සබ්රි පත් වෙන්නේ නිකම් නෙවෙයි. එයා වෙනත් අසමාන්තර මතවාදයක් යෝජනා කරමින් ඉන්න නිසා. ඒ මතවාදයේ අන්තර්ගතය එක එල්ලේම මෙතෙක් අප දන්නා ජාතිකවාදී කථිකයෝ කියපු දේවල් ම නෙවෙයි.
ප්‍රතිචාරාත්මක ජාතිකවාදය වෙනුවට යෝජනා කරමින් ඉන්නේ ප්‍රතිජානාත්මක ජාතිකවාදයක් (progressive nationalism instead of reactionary nationalism). ඒක ඇතුලේ බටහිර නූතන හැඟවූම් ගමන් කරමින් තිබෙනවා.
ඇත්තම කිව්වොත් අපි කැමති උනත් නැතත් මේක තමයි නූතන මාර්ගය වෙන්නේ. මේ දක්වා සඥා ටික දිහා බලපුවම සබ්රි කියන්නේ මොකක් හරි හේතුවක් නිසා අපේ පැත්තේ නොසිටපු නමුත් අනික් පැත්තේ ඉන්න එක්තරා විදියක ට්‍රෝජන් අශ්වයෙක්. සුවිශේෂී පුද්ගලභාවයක්
ඔහොම යමු...
(ඔහුගේ නිතිඥ වෘතියේ පෙනිසිටීම් සහ ඉතිහාසය ගැන මෙතැන සඳහන් නොකිරීම ගැන අවශ්‍ය නම් ප්‍රශ්න කළ හැක).''