මෙවර ඉන්දියා ක්‍රිකට් කණ්ඩායම ඔවුන්ගේ නම ඉතිහාසයේ සටහන් කළේ ටෙස්ට් ක්‍රිකට් ක්‍රීඩාවේ එක් කණ්ඩායමකට එරෙහිව වැඩිම පිට පිට තරගමාලා ජයග්‍රහණයන්හි ලෝක වාර්තාව සම කරමින්.
කොදෙව්වන් ට එරෙහිව 2002 වසරේ ලැබූ සිය අවසන් පරාජයෙන් පසුව ඉන්දියාව දැන් නොකඩවා තරගමාලා ජයග්‍රහණ 10ක් එම කණ්ඩායමට එරෙහිව අත්කර ගෙන තිබෙනවා.
මේ වික්‍රමය ම දකුණු අප්‍රිකාව විසින් ද සිදුකර තිබෙනවා. ඒ, 1997 සිට 2024 වකවානුවේ තරගමාලා ජයග්‍රහණ 10ක් බටහිර ඉන්දීය කොදෙව් පිලට එරෙහිව වාර්තා කරමින්.
ෂුබ්මන් ගිල්ගේ කණ්ඩායම මේ වාර්තාව සම කළේ රොස්ටන් චේස්ගේ කණ්ඩායම සමග දිල්ලියේ පැවති දෙවැනි ටෙස්ට් තරගයේ කඩුලු හතක ජයග්‍රහණයක් ලබමින්.
මේ ලැයිස්තුවේ දෙවැනියට සිටින කණ්ඩායම වන්නේ ඔස්ට්‍රේලියාව. ඔවුන් 2000 සිට 2022 දක්වා කාලය තුළ බටහිර ඉන්දීය කොදෙව් පිල තරගමාලා නවයකින් පරාජය කර තිබෙනවා.
මීට අමතරව, ඔස්ට්‍රේලියාව 1989 සිට 2023 දක්වා කාලයේදී එංගලන්තය ට එරෙහිව ජයග්‍රහණ අටක් ලබා ගනිමින් ලැයිස්තුවේ තෙවැනි සම ස්ථානය ද ගෙන සිටිනවා.
මෙහිදී ඔස්ට්‍රේලියාව සමග තෙවැනියට සමානව සිටින්නේ ශ්‍රී ලංකාව. ඒ, 1996 සිට 2000 දක්වා වූ වකවානුවේදී සිම්බාබ්වේ ට එරෙහිව අඛණ්ඩව තරගමාලා ජයග්‍රහණ අටක් වාර්තා කරමින්.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
