ශ්‍රී ලංකා කණ්ඩායමට දිමුත් කරුණාරත්න නායකත්වය ලබා දෙන අතර සංචාරක අයර්ලන්ත කණ්ඩායම මෙහෙයවන්නේ ඇන්ඩෘ බැල්බර්නි.
දිමුත් කරුණාරත්න ශ්‍රී ලංකා කණ්ඩායමට නායකත්වය ලබාදෙන අවසන් ටෙස්ට් තරගාවලිය මෙය වේ.
අද පැවැත්වෙන තරගයට ශ්‍රී ලංකා කණ්ඩායමේ සූදානම පිලිබදව ඔහු 'නෙත් නිව්ස්' වෙත මෙලෙස අදහස් පල කළේය.
ශ්‍රී ලංකාව මේ වනවිට ටෙස්ට් ක්‍රිකට් තරග 307 කට සහභාගී වී ඉන් ජය ගෙන ඇති තරග සංඛ්‍යාව 98 කි.
අයර්ලන්ත කණ්ඩායම 2018 වසරේ ටෙස්ට් වරම් ලැබීමෙන් අනතුරුව ක්‍රීඩා කර තිබෙන්නේ ටෙස්ට් ක්‍රිකට් තරග 4 ක් පමණි.
35,000 කට අධික සංඛ්‍යාවකට එකවර තරග නැරඹීමේ පහසුකම සහිත ගාල්ල ජාත්‍යන්තර ක්‍රිකට් ක්‍රීඩාංගනයේ පැවැත්වෙන ටෙස්ට් ක්‍රිකට් තරගාවලිය නොමිලේ නැරඹීමට ක්‍රීඩා ලෝලීන්ට අවස්ථාව හිමි ව තිබේ.
තරගාවලියේ දේශීය තරග විකාශන අයිතිය හිමි TV1 නාලිකාව ඔස්සේ සජීවීව තරගාවලියේ සියලු තොරතුරු අද උදෑසන 9.30 සිට ඔබ වෙත ගෙන ඒමට 'ස්පෝර්ට්ස් ෆස්ට්' කටයුතු කර ඇත.
තරගාවලියේ නිල සහකාර රන් අනුග්‍රාකත්වය (Official Associate Gold Sponsor) ලබාගෙන ඇත්තේ 'සුප්‍රීම් TV' (Supreme TV) නාලිකාවයි.
