පැවති අවසන් තරගයෙන් ශ්‍රී ලංකාව කඩුලු 08 කින් ජය ගැනීමට අද (ජුලි මස 07 වෙනිදා) සමත් විය.
ඒ අනුව ශ්‍රී ලංකා කණ්ඩායම ලෝක කුසලානයට සුදුසුකම් ලබා ගැනීමේ තරගාවලියේ ලබන ඉරිදා ( ජුලි මස 09 වෙනිදා) නෙදර්ලන්තය සමග පැවැත්වීමට නියමිත අවසන් මහ තරගය දක්වා අපරාජිතව පැමිණි එකම කණ්ඩායම වීමද විශේෂත්වයකි.
කාසියේ වාසිය දිනු ශ්‍රී ලංකා කණ්ඩායමේ නායකයාගේ ආරාධනයෙන් පළමුවෙන් පන්දුවට පහර දීමට පැමිණි බටහිර ඉන්දීය කොදෙව් කණ්ඩායම පන්දු වාර 48.1ක් අවසානයේ දී සියලු දෙනා දැවී ලකුණු 243ක් රැස් කිරීමට සමත් විය.
කොදෙව්වන්ට ශක්තියක් ගෙන දුන් කාර්ටි ගේ ඉනිම
ශ්‍රී ලංකාවේ ආරාධනයෙන් පළමු වෙන් පන්දුවට පහර දීමට පැමිණි බටහිර ඉන්දීය කොදෙව් කණ්ඩායමේ ආරම්භක පිතිකරු යුගලය ලකුණු 36ක් සිය කණ්ඩායම වෙනුවෙන් එක් කිරීමට සමත්විය.
බටහිර ඉන්දීය කොදෙව් කණ්ඩායමේ පළමු කඩුලු 08 ලකුණු 155ක් වන විට දවා ගැනීමට ශ්‍රී ලංකා පන්දු යවන්නන් සමත් විය.
කොදෙව් ඉනිමේ 09 වෙනි කඩුල්ල වෙනුවෙන් ලකුණු 63ක සම්බන්ධතාවයක් එක් කිරීමට කේසි කාර්ටි සහ කේවින් සින්කේලයාර් සමත් වීම කැපී පෙනුණි.
කෙවින් සින්කේලයාර් පන්දු 36 කදී හතරේ පහරවල් දෙකක් සමගින් ලකුණු 25ක් රැස් කරමින් සිටියදී දවා ගැනීමට ඩිල්ෂාන් මධුෂංක සමත් විය.
කොදෙව් කණ්ඩායම වෙනුවෙන් දක්ෂ පිතිහරඹයක නිරත වූ කේසි කාර්ටි පන්දු 96ක් තුලදී හතරේ පහරවල් හයක් සහ එක් හයේ පහරක් සමගින් ලකුණු 87ක් රැස් කර ගෙන සිටියදී දවා ගැනීමට දසුන් ශානක සමත් වුණි.
කොදෙව්වන්ට තර්ජනයක් වූ මහිෂ් සහ හේමන්ත
අද තරගයේදී ශ්‍රී ලංකා කණ්ඩායමේ දඟ පන්දු ක්‍රීඩකයින් වන මහිෂ් තීක්ෂණ සහ දුෂාන් හේමන්ත කොදෙව් පිතිකරුවන්ට ප්‍රබල තර්ජනයක් එල්ල කිරීමට සමත් විය.
කොදෙව් පිලේ ප්‍රවේගකාරී පිතිකරුවන් වන නිකලස් පුරාන්, ෂෙයි හෝප්, බ්‍රෙන්ඩන් කිංන්, ෂමරා බෘක්ස්, රෝමාරියා ෂෙපර්ඩ් ගේ කඩුලු ඉක්මනින් දවා ගැනීමට ශ්‍රී ලංකා කණ්ඩායමේ පන්දු යවන්නන් සමත් විය.
මහිෂ් තීක්ෂණ ලකුණු 34 කට කඩුලු 04ක්, දුෂාන් හේමන්ත ලකුණු 49 කට කඩුලු දෙකක් දවා ගත්තේය.
අද තරගයේ දී ශ්‍රී ලංකා පිලේ වෙනස්කම් දෙකක්
බටහිර ඉන්දීය කොදෙව් කණ්ඩායම සමග අද පැවති තරයේදී ශ්‍රී ලංකා කණ්ඩායමේ වෙනස්කම් දෙකක් සිදුකර තිබුණි.
ධනංජය සිල්වා සහ වනිදු හසරංග අද තරගයේ දී විවේක ගැන්වීමට තීරණය කිරීම හේතුවෙන් දුෂාන් හේමන්ත සහ සහන් ආරච්චිගේ කණ්ඩායමට කැඳවා තිබුණි.
ශ්‍රී ලංකාව වෙනුවෙන් එක්දින වරම් ලද 210 වන ක්‍රීඩකයා වූ සහන් ආරච්චිගේ අද තරගයේදී සිය මංගල එක්දින කඩුල්ල දවා ගැනීමට සමත් වුයේය.
අද තරගයේදී ශ්‍රී ලංකා කණ්ඩායමේ දඟ පන්දු ක්‍රීඩකයින් වන මහිෂ් තීක්ෂණ සහ දුෂාන් හේමන්ත කොදෙව් පිතිකරුවන්ට ප්‍රබල තර්ජනයක් එල්ල කිරීමට සමත් විය.
ශ්‍රී ලංකාවට ජය ගෙනා පැතුම් - දිමුත්
ලකුණු 244ක ජයග්‍රාහී ඉලක්කයක් හඹා ගිය ශ්‍රී ලංකා කණ්ඩායමේ ආරම්භක පිතිකරුවන් වූ පැතුම් නිස්සංක සහ දිමුත් කරුණාරත්න පළමු කඩුල්ල සඳහා ලකුණු 190ක සම්බන්ධතාවයක් පැවැත්වීමට සමත් විය.
පැතුම් නිස්සංක අද වාර්තා කළේ සිය එක්දින දිවියේ තෙවන ශතකයයි.
පැතුම් නිස්සංක අද වාර්තා කළේ සිය එක්දින දිවියේ තෙවන ශතකයයි.
ඔහු පන්දු 113 කදී හතරේ පහරවල් 14ක් සමගින් ලකුණු 104ක් රැස් කර සිටියදී දැවී ගියේය.
දිමුත් කරුණාරත්න පන්දු 92 කදී ලකුණු 83ක් ලබා ගෙන සිටියදී දැවී ගියේ අකීල් හුසේන් ගේ පන්දුවකට කඩුල්ල මුවා කිරීමේ වරදටයි.
ශ්‍රී ලංකා ඉනිමේ තෙවන කඩුල්ල වෙනුවෙන් ලකුණු 40ක සම්බන්ධතාවයක් පවත්වමින් කුසල් මෙන්ඩිස් නොදැවී ලකුණු 34ක් සහ සධීර සමරවික්‍රම නොදැවී ලකුණු 17ක් රැස් කළේ ය.
ඒ අනුව ශ්‍රී ලංකා කණ්ඩායම පන්දු වාර 44.2 ක් අවසානයේ දී කඩුලු 02 ක් දැවී සිය ජයග්‍රාහි ඉලක්කය පසුකර යෑමට සමත් විය.
(BBC සිංහල සේවය)
