වැලිඔය, සම්පත්නුවර ජාතික පාසලෙන් පමණක් ක්‍රීඩකයන් තිදෙනෙක් මේ දිනවල බේස් බෝල් 13 පහළ ශ්‍රී ලංකා ජාතික කණ්ඩායමට තේරීපත්ව ඇත.
වැලිඔය කිසිදු පාසලක ලෙදර් ක්‍රිකට් කණ්ඩායම් නැත. මුලතිව් නගරයේ පාසලක හා පුදුකුඩිඉරුප්පු ප්‍රදේශයේ එක් පාසලක පමණක් මේ වනවිට මුලතිව් දිස්ත්‍රික්කයේ ලෙදර් ක්‍රිකට් කණ්ඩායම් ආරම්භ කර තිබේ. ඊට අමතරව ලෙදර් ක්‍රීඩා කරන එක් ක්‍රීඩා සමාජයක් මුලතිව් දිස්ත්‍රික්කයට ඇත.
යුද්ධයෙන් ද දැඩි පීඩනයකට ලක් වූ වැලිඔය දරුවන්ගේ ක්‍රීඩා හැකියාවන් දියුණු කිරීමට බලධාරීන් වැඩි අවධානයක් යොමු කරන්නේ නම් 'ක්‍රීඩා තරු' රැසක් සොයා ගැනීමට හැකියාව ලැබෙන බව එම ප්‍රදේශයේ ජනතාව BBC සිංහල සේවයට පැවසූහ.
(BBC සිංහල සේවය)
