කර ඇත.
1973 අංක 25 දරණ ක්‍රීඩා පනත ප්‍රකාරව ක්‍රීඩා අමාත්‍යවරයා වෙත පැවරී බලතල අනුව මෙලෙස අතුරු කමිටුව පත් කරනු ලැබුබව ක්‍රීඩා අමාත්‍යංශය නිවේදනය කර සිටියි.
මෙම අතුරු කමිටුවේ සභාපති ලෙස, අර්ජුණ රණතුංග පත්කර ඇති අතර එහි සෙසු සාමාජිකයන් ලෙස විශ්‍රාමලත් ශ්‍රේෂ්ඨාධිකරණ විනිසුරුවරුන් වන එස්.අයි. ඉමාම්, රෝහිණී මාරසිංහ සහ විශ්‍රාමලත් මහාධිකරණ විනිසුරු අයිරාංගණී පෙරේරා, උපාලි ධර්මදාස, රඛිත රාජපක්ෂ සහ හිෂාම් ජමාල්ඩීන් යන අය පත් කර ඇත.
ඒ අනුව මෙම නව අතුරු කමිටුව පත් කිරීමත් සමග ශ්‍රී ලංකා ක්‍රිකට් ආයතනයේ සභාපති ෂම්මි සිල්වාගේ සභාපතිත්වයෙන් යුත් පාලක මණ්ඩලයේ කටයුතු අත්හිටවනු තිබේ.
එයට අදාළ ගැසට් නිවේදනය ඊයේ (05) දිනයෙන් යුතුව මේ වන විට නිකුත් කර තිබේ.
එ අනුව අද දින පත්කළ නව අතුරු කමිටුව ඉන් අනතුරුව අදාළ ක්‍රියාමාර්ග ගැනීමට නියමිතය.
ක්‍රීඩා අමාත්‍යවරයා විසින් පසුගිය 03වැනිදා ලිපියක් නිකුත් කරමින් සඳහන් කළේ ශ්‍රී ලංකා ක්‍රිකට් කණ්ඩායමේ ත‍රග පරාජයන්හි වගකීම් තේරීම් කමිටුව සහ ශ්‍රී ලංකා ක්‍රිකට් ආයතනය භාර ගෙන අදාල නිලධාරීන් තම ධූරයන්ගෙන් ඉල්ලා අස්විය යුතු බවයි.
දිගින් දිගටම ලබන මෙම පරාජයන් හි වගකීම කිසිදු ක්‍රීඩකයෙකුට හට පැවරිය නොහැකි බවත්, එහි වගකීම වසර 04ක් පුරා තේරීම් කටයුතු සිදුකළ තේරීම් කමිටුවත්, අවිධිමත් ක්‍රිකට් පරිපාලනයක යෙදෙන ක්‍රිකට් විධායක කමිටුවත් භාර ගත යුතු බව එහිදී අමාත්‍යවරයා සඳහන් කර තිබිණ.
ඉකුත් නොවැම්බර් 02 වැනිදා ඉන්දියාව සහ ශ්‍රී ලංකාව අතර වන්කඩේ ක්‍රීඩාංගණයේදී පැවති 2023 එක්දින ලෝක කුසලානයේ 33වැනි තරගයෙන් ශ්‍රී ලංකාව පන්දුවාර 19යි පන්දු 04ක් අවසානයේ සියලු දෙනා දැවී ලකුණු 55ක් ක් ලබා ගනිමින් සිදුවූ අපකීර්තිමත් අන්ත පරාජයත් සමඟ ක්‍රිකට් ලෝලීන්ගෙන් බලවත් විරෝධයක් එල්ලවෙමින් තිබේ.
සබැඳි පුවත් :
T10 තරගාවලියේ වෙන්දේසිය කල්දමයි - ශ්‍රී ලංකා ක්‍රිකට් ප්‍රතිපල පෙන්වයි
ඇමැති, ක්‍රිකට් සභාපති මැච් එක දරුණු වේ! - දෙදෙනාම අම්පයර්ට ලියති
