හරස් වූ බැවින් ඒ සඳහා අතිරේක ගිනිදැල්ලක් පාවිච්චි කිරීමට සිදුවුනා.
ක්‍රිස්තු පූර්ව 776දී පළමු ඔලිම්පික් ක්‍රීඩා උළෙල පැවති ග්‍රීසියේ පෞරාණික Olympia කුඩා නගරයේදී අඟහරුවාදා පැවති නාට්‍යාකාර උත්සවයකදී උතුම් පූජකවරියගේ චරිතය රඟපාමින් ග්‍රීක නිළි Mary Mina ගිනිසිළුව දැල්වීමත් සමග 2024 පැරිස් ඔලිම්පික් ක්‍රීඩා උළෙලට යන ඔලිම්පික් ගිනිසිළුවේ ඉතා දීර්ඝ සංචාරය ඇරඹුනා.
උතුම් පූජකවරියගේ චරිතය රඟපාමින් ග්‍රීක නිළි Mary Mina
ග්‍රීක නිළිය විසින් ඔලිම්පික් පන්දම ග්‍රීසියේ ඔලිම්පික් ඔරු පැදීමේ ශූරයා වන Stefanos Ntouskos ට බාර දෙනු ලැබූ අතර ඔහු ආරම්භ කළේ ග්‍රීසිය හරහා ගොස් නැවකින් මධ්‍යධරණී මුහුදෙන් මාරුවෙන් මාරුවට යන ඔලිම්පික් ගිනිසිළුවක ගමනක්. ඉක්බිති එය ප්‍රංශයේ භූමිය හරහා යමින් ප්‍රංශය ට අයත් විදෙස් ප්‍රදේශ ඔස්සේ ගමන් කිරීමෙන් පසුව ජූලි 26 වැනිදා පැවැත්වෙන ඔලිම්පික් සමාරම්භක උත්සවය සඳහා පැරිසියට පැමිණීමට නියමිතයි.
Stefanos Ntouskos ආරම්භ කළේ ග්‍රීසිය හරහා ගොස් නැවකින් මධ්‍යධරණී මුහුදෙන් මාරුවෙන් මාරුවට යන ඔලිම්පික් ගිනිසිළුවක ගමනක්
පුරාතන ග්‍රීසියේ සංගීතය ශබ්ද වුනේ කිනම් අයුරින්ද කියා හෝ එදා නළඟනන් චලනය වූයේ කොයි ආකාරයෙන්ද කියා හෝ කව්රුත් දන්නේ නැහැ. නමුත් සෑම දෙවසරකට වරක් මේ පැරණි රඟ දැක්වීමට ලැබෙන අලුත් නිරූපණයකට ගෝලීය දර්ශනයක් ලැබෙනවා. එය සිදුවන්නේ බොහෝ දෙනා තවමත් පූජනීය ලෙස සළකන දකුණු ග්‍රීසියේ ස්ථානයක...ඔලිම්පික් ක්‍රීඩා උළෙල උපන් ස්ථානයේ.
පැරණි තරුණියන්ගේ රූපවලට සමාන පෙනුමැති නළඟනන් හතළිස් අට දෙනෙක් ඊයේ පැවති පැරිස් ඔලිම්පික් උළෙලේ ගිනිසිළුව දැල්වීමේ මිනිත්තු තිහක උත්සවයට සහභාගි වුනා
තවමත් සුරක්ෂිතව තිබෙන පිළිම හා අනෙකුත් චිත්‍රවල තිබෙන පැරණි තරුණියන්ගේ රූපවලට සමාන පෙනුමැති නළඟනන් හතළිස් අට දෙනෙක් ඊයේ පැවති පැරිස් ඔලිම්පික් උළෙලේ ගිනිසිළුව දැල්වීමේ මිනිත්තු තිහක උත්සවයට සහභාගි වුනා.
පූජකවරියන් ලෙස සැරසුනු කාන්තාවන් හදවත කොට ගත්‌ මේ ඔලිම්පික් ගිනිසිළුව දැල්වීමේ උත්සවය
Olympia නමැති කුඩා නගරයේදී සෑම දෙවසරකට වරක් ම මේ උත්සවය පැවැත්වෙන්නේ ශීත හා ග්‍රීෂ්ම සෘතු ඔලිම්පික් උළෙල වෙනුවෙන්. පූජකවරියන් ලෙස සැරසුනු කාන්තාවන් හදවත කොට ගත්‌ මේ ඔලිම්පික් ගිනිසිළුව දැල්වීමේ උත්සවය ප්‍රථම වතාවට පැවැත්වුනේ 1936 බර්ලින් ඔලිම්පික් ක්‍රීඩා උළෙල සඳහා යි.
සටහන :
(වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
