ද්වේෂ සහගතව විනාශ කර තිබෙනවා.
එහිදී අමෙරිකානු ජනාධිපතිවරයා වෙත එල්ල කරන ලද විස්මය දනවන හා නින්දා සහගත අපහාස කිරීම් රතු තීන්තවලින් ස්ප්‍රේ කර තිබෙන අයුරු දිස්වන ඡායාරූප ලොව පුරා පැතිර ගොස් තිබෙන්නේ ඉතාමත් වේගයෙන්.
එහි තිබෙන සමාජ නිවහන සහ තණ නිල්ලේ තැන් කිහිපයක්ම මේ පලස්තීන ක්‍රියාවෙන් හානියට පත්ව තිබෙනවා.
ගොල්ෆ් පිටියේ බිම සහ ගොඩනැගිලිවල රතු තීන්ත උඩිංපල්ලෙන් තවරා තිබෙනු දක්නට ලැබෙනවා.
‘ගාසා තීරය විකිණීමට නොවේ’ (GAZA IS NOT 4 SALE) යනුවෙන් ද තණ පිට්ටනිය හරහා ස්ප්‍රේ කර තිබෙන්නේ ඉඩමේ වලවල් ගණනාවක් හාරමින්.
ටර්න්බෙරී ගොල්ෆ් පිටිය ට්‍රම්ප් මිලදී ගත්තේ 2014 වසරේ. මෙහි එක ගොල්ෆ් වටයක් ක්‍රීඩා කිරීම සඳහා පවුම් 1,000ක් වැයවනවා.
දැන් ‘ට්‍රම්ප් ටර්න්බෙරී’ (Trump Turnberry) ලෙසින් ජනප්‍රියව තිබෙන මෙය ලෝකයේ තිබෙන එක් හොඳම ගොල්ෆ් නිකේතනයක් වශයෙන් පිළිගනු ලබනවා.
මේ සංකේතාත්මක ගොල්ෆ් පිටියට පලස්තීන ප්‍රහාරය එල්ල වී තිබෙන්නේ අමෙරිකානු ජනාධිපතිවරයා ගාසා තීරය ‘මැද පෙරදිග රිවියේරාව’ (Riviera of the Middle East) ලෙස වැඩිදියුණු කිරීමට සැලසුම් කිරීම නිසා.
ට්‍රම්ප්ගේ මතය අනුව ගාසා තීරය දුප්පත්කමේ ගිලී සිටිමින් ඊශ්‍රායලය ට එරෙහිව සටන් කරන ප්‍රදේශයකට වඩා දේශීය පුද්ගලයන් හා නිවාඩුව ගතකරන්නන් පොහොසත් ආකාරයට විනෝදයෙන් ජීවත් වන ඉතා අලංකාර සංචාරක ගමනාන්තයක් විය යුතුව තිබෙනවා.
රටක් තුළ රැඳුණු තවත් කුඩා රටක් බඳු මේ ප්‍රදේශය වෙනුවෙන් තිබෙන තමාගේ මතභේදාත්මක සැලසුම්වල කෘතිම බුද්ධියේ ඡායාරූප පවා ට්‍රම්ප් මීට පෙර සමාජ මාධ්‍යයේ පළකර තිබුණා.
පුද්ගලයන් 48,000ක් පමණ මිය ගිය බවට වාර්තා වන ගාසා ප්‍රදේශය අලංකාර කෙරුණු නිවාඩු නිකේතනයක් ලෙස නැවත ගොඩනැගී තිබෙන අයුරු දිස්වන විස්මිත වීඩියෝවකින් පෙන්නුම් කරන්නේ බෝම්බවලින් විනාශයට පත් ගාසා තීරය පිළිබඳව ට්‍රම්ප්ගේ දැක්ම.
ගාසා තීරය ‘කඩා දමන ලද ස්ථානයක්’ ලෙස මීට පෙර හඳුන්වා දී ඇති ට්‍රම්ප්, ගාසා තීරය අමෙරිකාවේ පාලනය යටතේ පවතින ‘මැද පෙරදිග නදී තීරය’ බවට හැරවිය හැකි බවට ප්‍රකාශ කළා.
මේ භූමියේ තිබෙන අනතුරුදායක නොපිපිරුණු බෝම්බ හා අනෙකුත් ආයුධ ගලවා ඉවත් කිරීමේ වගකීම බාර ගන්නා අමෙරිකාව විනාශයට පත් ගොඩනැගිලිවල සුන්බුන් එම ස්ථානයෙන් ඉවත් කරන බව අමෙරිකානු ජනාධිපතිවරයා කියා තිබුණා.
ට්‍රම්ප්ගේ සැලැස්ම වී තිබෙන්නේ ගාසා තීරයේ වෙසෙන මිලියන දෙකක පලස්තීනුවන් අසල්වැසි අරාබි රටවල නැවත පදිංචි කර ගාසා ප්‍රදේශය යළි ගොඩනැගීම.
“ඒ ප්‍රදේශය අපි අයිති කර ගන්නවා” යනුවෙන් ඔහු ප්‍රකාශ කළේ, මිලියන දෙකක පලස්තීන ජනතාව ඊජිප්තුව හා ජෝර්දානය ඇතුළු රටවල නැවත පදිංචි කරවනු ඇති බව සඳහන් කරමින්.
එහෙත් පසුව ට්‍රම්ප් නැවත ප්‍රකාශයක් කරමින් අමෙරිකාව එම භූමියේ කිසිම ආයෝජනයක් සිදු නොකරණ බව හා අමෙරිකානු හමුදාව එහි නොයවන බව කියා සිටියා.
(සටහන | වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com