කබීර් (Kabeer), සිබ්ඝතුල්ලා ( Sibghatullah) සහ හරූන් (Haroon) යන ඇෆ්ඝනිස්ථාන ක්‍රිකට් ක්‍රීඩකයින් තිදෙනකු මෙසේ ඝාතනයට ලක්ව ඇතැයි, ස්පෝර්ට් ස්ටාර් (SPORTSTAR) වෙබ් අඩවිය සඳහන් කරයි.
සිද්ධිය සැළ වූ සැණින්, ඇෆ්ඝනිස්ථානය, පාකිස්ථානය සහ ශ්‍රී ලංකාව සහභාගී වීමට නියමිත ජාතික මට්ටමේ T20 තුන්-කොන් තරගාවලියෙන් ඉවත් වන බව ඇෆ්ඝනිස්ථානය නිල වශයෙන් ප්‍රකාශ කළේය.
පාකිස්ථානය, එම තරගාවලිය පිලිබඳ නිවේදනය කළේ පසුගිය මස දීය. එය, ලබන මස 17 සිට 29 දා තෙක් පැවැත්වීමට නියමිතව තිබිණ.
කලක් සමීප මිතුරන්ව සිටි ඇෆ්ඝනිස්තානය සහ පාකිස්ථානය අතර මෑතක සිට දරුණු සටන් ඇවිලෙමින් තිබේ. ඇෆ්ඝනිස්ථානය තුළ සැඟවී ප්‍රහාර එල්ල කරන ත්‍රස්ත කණ්ඩායම් වෙත නීතිය ක්‍රියාත්මක කරන ලෙස පාකිස්ථානය විසින් ඇෆ්ඝනිස්ථානයෙන් ඉල්ලා සිටීමත් සමග ගැටුම් උග්‍ර විය. ඒ අනුව, නව ප්‍රහාරය හමුවේ, ඉකුත් බදාදා (15) එළැඹි සටන් විරාමය පාකිස්ථානය විසින් උල්ලංඝනය කර ඇතැයි, ඇෆ්ඝන් තලිබාන් රජය චෝදනා කරයි.
මිය ගිය ක්‍රීඩකන් තිදෙනා ඇතුළු අනෙකුත් සිවිල් පුද්ගලන් පස් දෙනා සම්බන්ධයෙන් ඇෆ්ඝනිඨාන ක්‍රිකට් පාලක මණ්ඩලය සිය බලවත් කණගාටුව ප්‍රකාශ කර සිටී.
(සටහන | හර්ෂ උදයකාන්ත පීරිස්)
(harshaprs@yahoo.com)
10/17/2025
සබැඳි පුවත් :
Three Afghan cricketers killed in Pakistani attack, says Afghanistan Cricket Board
Afghanistan Boycotts Pakistan Tri-Series After 3 Cricketers Die In PAK Airstrike
