ශ්‍රී ලංකා ක්‍රිකට් ආයතනය විසින්‌ මේ තීරණය ගෙන තිබෙන්නේ අයහපත් කාලගුණය හේතුවෙන් එකම පන්දුවක් හෝ නොයවා ඊයේ තරගය අහෝසි කිරීමට සිදුවීමෙන් පසුවයි.
මේ අනුව, රන්ගිරි දඹුල්ල ජාත්‍යන්තර ක්‍රිකට් ක්‍රීඩාංගණයේ ස්ථාපිත කර තිබෙන ටිකට් කවුන්ටරවලින් තමන්ගේ ප්‍රවේශ පත්‍ර අද හෝ හෙට ඉරිදා උදේ කාලය තුළ ලබා ගන්නා ලෙසට ශ්‍රී ලංකා ක්‍රිකට් ආයතනය නිවේදනය කරනවා. මේ ටිකට් කවුන්ටර පෙරවරු 9.00 සිට පස්වරු 5.00 දක්වා විවෘතව පවතිනවා.
ලබන මස ඇරඹෙන 2026 විස්සයි20 ලෝක කුසලාන තරගාවලියට සූදානම් වීමක් ලෙසින් සංවිධානය කර තිබෙන ශ්‍රී ලංකා - පාකිස්තාන ජාත්‍යන්තර T20 තරගමාලාවේ තෙවැනි හා අවසාන තරගය දඹුල්ල ක්‍රීඩාංගණයේදී හෙට පස්වරු 7.00 ට ආරම්භ වනවා.
දෙපිල අතර පැවති පළමු තරගයෙන් පාකිස්තානය පහසු ජයක් අත්කර ගත්තා. කාසියේ වාසිය දිනා ගත් ඔවුන් ශ්‍රී ලංකාව ලකුණු 128කට දවාලීමෙන් පසුව එම ඉලක්කය හඹා යාම කඩුලු හයක් සහ පන්දු විස්සක් ඉතිරි කරගෙන සම්පූර්ණ කර ගත්තා.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
