විනය හේතු මත ඔහු ආපසු එක්සත් අරාබි එමීර් රාජ්‍යයට යැවූ බව සඳුදා නිවේදනයක් නිකුත් කරමින් කියා සිටි එමිරේට්ස් ක්‍රිකට් මණ්ඩලය, මේ සම්බන්ධයෙන් වැඩි විස්තර ඉදිරි දිනවලදී ලබා දෙන බව ප්‍රකාශ කළා.
එක්සත් අරාබි එමීර් රාජ්‍යය අඟහරුවාදා (ඊයේ) චෙන්නායි නුවරදී නවසිලන්තය ට එරෙහිව ක්‍රීඩා කරමින් 2022 වසරෙන් පසුව ඔවුන්ගේ පළමු ලෝක කුසලාන තරගයට සහභාගි වුණා. සොහායිබ් අහිමි වීමෙන් කණ්ඩායමේ මුල් පිතිකරු පෙලට වැඩි පීඩනයක් එල්ල වනවා.
ඉතාලිය ට එරෙහිව සිකුරාදා පැවති පෙරහුරු තරගයේදී එක්සත් අරාබි එමීර් රාජ්‍යය කණ්ඩායම ලකුණු 81කට දැවී ගියා. එම තරගයේදී සොහායිබ් ක්‍රීඩා කළේ අංක 9 පිතිකරුවා ලෙසින්.
ඊට කළින් නේපාලය ට එරෙහිව පැවති එක්සත් අරාබි එමීර් රාජ්‍යය කණ්ඩායමේ පෙරහුරු තරගයේදී සොහායිබ් අංක 3 පිතිකරු වශයෙන් ක්‍රීඩා කරමින් පන්දු 26කින් ලකුණු 19ක් රැස් කළා.
මුහම්මද් සොහායිබ් එක්සත් අරාබි එමීර් රාජ්‍යය වෙනුවෙන් මංගල තරගයට ක්‍රීඩා කළේ 2025 වසරේ මැයි මාසයේ. ජාත්‍යන්තර විස්සයි20 තරග 16කට ක්‍රීඩා කර ඇති ඔහු 20.20ක සාමාන්‍යයකින් හා 103.76ක ප්‍රහාරාත්මක වේගයකින් ලකුණු 303ක් රැස් කර තිබෙනවා.
එක්සත් අරාබි එමීර් රාජ්‍යයේ ක්‍රිකට් කණ්ඩායම සැදී තිබෙන්නේ ඉන්දියා හා පාකිස්තාන සම්භවයක් ඇති ක්‍රීඩකයින්ගෙන්.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
