ආසියානු කුසලාන පාපන්දු තරගාවලිය අතරතුර ජාතික ගීතය ගායනා නොකිරීම හේතුවෙන් තම රටට ආපසු ගියහොත් දඩුවම්ට මුහුණ දීමට සිදුවිය හැකි බවට ඇති අවදානම සැලකිල්ලට ගනිමින්, ඉරාන කාන්තා පාපන්දු කණ්ඩායමේ සාමාජිකාවන් පස් දෙනෙකුට මෙසේ ඕස්ට්‍රේලියාව වීසා ලබා දීමට එකඟ වී ඇත.
ඒ අනුව ඔවුන්ට ඕස්ට්‍රේලියාවේ රැඳී සිටීමට අවසර හිමි වන බව එරට රජය සඳහන් කරයි.
ඕස්ට්‍රේලියාවේ අභ්‍යන්තර කටයුතු අමාත්‍ය ටෝනි බර්ක් සඳුදා පැවති මාධ්‍ය හමුවකදී ප්‍රකාශ කළේ, එම ක්‍රීඩිකාවන් පස් දෙනාට ඕස්ට්‍රේලියාවේ රැඳී සිටීමට පිළිගැනීමක් ඇති බවයි.
තවද ඔවුන් මෙහි ආරක්ෂිතව සිටින බවත්, මෙය ඔවුන්ගේ නිවසක් ලෙස හැඟෙන්නට ඔවුන්ට හැකි විය යුතු බවත් දැනුම් දුන් බව ද ඇමැතිවරයා කීය.
(සටහන | ගිම්හාන් ද සිල්වා)
