අමෙරිකාවේ රාජ්‍ය ලේකම් මාකෝ රුබියෝ පවසනවා. ඔහු මෙසේ කියා තිබෙන්නේ තරගාවලියේ ඉරානයේ ස්ථානය ඉතාලිය ට ගත හැකි බවට වන යෝජනාවට අමෙරිකානු රජයේ මැදිහත් වීමක් නැති බව තහවුරු කරමින්.
ධවල මන්දිරයේදී වාර්තාකරුවන්ට කතා කළ රුබියෝ, ලෝක කුසලාන තරගාවලිය සඳහා අමෙරිකාව ට නොඑන ලෙසට රජය ඉරානය ට කී බවක් ප්‍රතික්ෂේප කළා.
නමුත් අමෙරිකානු රජය හා තවත් රජයන් කිහිපයක් විසින් ත්‍රස්තවාදී සංවිධානයක් ලෙස සලකනු ලබන ටෙහෙරානයේ ඉස්ලාමීය විප්ලවීය ආරක්ෂක බලකාය (IRGC) සමග සම්බන්ධකම් තිබෙන ඉරාන නියෝජිත පිරිසේ සිටින සාමාජිකයින්ට අමෙරිකාව ට ඇතුළු වීම තහනම් කිරීමට ඉඩ තිබෙන බවට ඔහු අනතුරු අඟවා සිටියා.
“අමෙරිකාවේ කිසිම කෙනෙක් ඉරාන කණ්ඩායමට එන්න එපා කියලා නැහැ” යැයි රුබියෝ කියා සිටියා.
“ඉරානයත් එක්ක ප්‍රශ්නය තියෙන්නේ ඔවුන්ගේ ක්‍රීඩකයින් ගැන නෙවෙයි. ඔවුන් සමග ගෙන ඒමට අවශ්‍ය සමහර අනෙක් පුද්ගලයන් ගැනයි ගැටළුව තියෙන්නේ. මේ සමහරුන්ට IRGCයත් සමග සබඳතා තියෙනවා. අපට ඔවුන්ට එන්න දෙන්න බැරිවේවි, නමුත් ක්‍රීඩකයින්ට නෙවෙයි” රුබියෝ ප්‍රකාශ කළා.
අමෙරිකානු රාජ්‍ය ලේකම්වරයා මෙසේ ප්‍රතිචාර දක්වා සිටියේ ඉතාලියේ උපන් විශේෂ නියෝජිත පාලෝ සම්පෝලි Financial Times ට කර තිබූ ප්‍රකාශයක් සම්බන්ධයෙන්. එහිදී ඔහු, ලෝක කුසලාන තරගාවලියේ ඉරානය ට තිබෙන ස්ථානය ඉතාලිය ට ලබා දෙන ලෙසට තරගාවලියේ එක් සත්කාරක රටක් වන අමෙරිකාවේ ජනාධිපති ඩොනල්ඩ් ට්‍රම්ප් ට සහ ජාත්‍යන්තර පාපන්දු සම්මේලනයේ සභාපති ජියානි ඉන්ෆන්ටීනෝ ට යෝජනා කළ බව කියා තිබුණා.
එම යෝජනාව වහාම ඉතාලි රජය හා එහි ක්‍රීඩා නිලධාරීන් විසින් ප්‍රතික්ෂේප කරනු ලැබුවා.
ඒ යෝජනාවෙන් අමෙරිකානු රජයේ ආකල්පය පිළිබිඹු නොවන බව රුබියෝ සඳහන් කළා.
(සටහන : වර්නන් ගුණසේකර)
'ද ලීඩර්' ක්‍රීඩා වාර්තාකරු
gunasekera33@gmail.com
සබැඳි පුවත් :
'ඉරානය වෙනුවට ඉතාලිය ගන්න': ට්‍රම්ප්ගේ විශේෂ නියෝජිතයාගෙන් FIFA වෙත ලජ්ජා සහගත යෝජනාවක්
