කෙසේ වෙතත්, ඉන්දියාවේ මහාරාෂ්ට්‍ර ප්‍රාන්තයේ ඇතිවු අප්‍රසන්න හා පෙර නොවූ විරූ සිද්ධියකින් මේ ක්‍රියාව සම්පූර්ණයෙන්ම වෙනස් මට්ටමකට ගෙන ගියේ පිටියට පදවා ගෙන ආ ට්‍රැක්ටරයක් තණතීරුව මුළුමනින්ම හාරා දමා විනාශ කළ බැවින්.
අප්‍රේල් 12 වැනිදා මේ සිද්ධිය ඇතිව තිබෙන්නේ මුම්බායි සිට කිලෝමීටර් 400ක් ඈතින් පිහිටි ජල්ගාඔන් දිස්ත්‍රික්කයේ ධරන්ගාඔන් නුවර පැවති MLA කුසලාන ක්‍රිකට් තරගාවලියේ අවසාන තරගය ක්‍රීඩා කරමින් තිබියදී. එහිදී දේශීය දේශපාලනඥයෙක් ට්‍රැක්ටරයක් කෙළින්ම ක්‍රීඩා පෙදෙසට පදවා ගෙන ඇවිත් එය විනාශ කරමින් තරගය අනපේක්ෂිතව නතර කිරීම නිසා උත්සව සිරි ගත් අවසාන තරගය සැණින් මහා අවුලක් බවට පත්වුනා.
ධරන්ගාඔන් නගර සභාවේ සභාපති ලෙස කටයුතු කරන මේ පුද්ගලයා තරගාවලියේ අවසාන තරගය සඳහා ඔහුට ආරාධනා නොකිරීම පිළිබඳව කෝපයට පත්ව සිටි බව වාර්තා වනවා. ඔහුගේ බලාපොරොත්තු සුන්වීමේ ඉච්ඡා භංගත්වය දේපළ විනාශ කිරීමේ ක්‍රියාවක් දක්වා වැඩිවී තිබුනේ ක්‍රීඩකයින්, තරග සංවිධායකයින් හා නරඹන්නන් මවිතයට පත් කරමින්.
ට්‍රැක්ටරයෙන් කඩාවදිමින්, පිටිය හාරන දර්ශන සමාජ මාධ්‍යයේ වේගයෙන් පැතිර ගොස් තිබෙනවා.
පිටියේ අනාරක්ෂිත තත්ත්වය හේතුවෙන් තරගය වහාම අහෝසි කිරීමට සිදුවුනේ හානියට පත් තණතීරුවේ තව දුරටත් තරගය පවත්වා ගෙන යාම අසීරු වූ බැවින්.
දේශීය පොලිසිය අප්‍රමාදව පැමිණ තත්ත්වය පාලනය කළා. එහෙත් මේ සිද්ධියේ දරුණුකම තිබියදීත් ඒ සම්බන්ධයෙන් කිසිම විධිමත් පැමිණිල්ලක් ගොනුකර නැත්තේ සිද්ධිය දුර දිග ගෙන යාමට තරග සංවිධායකයින් තුළ තිබූ අකැමැත්ත නිසා බව පැවසෙනවා.
(සටහන : වර්නන් ගුණසේකර)
'ද ලීඩර්' ක්‍රීඩා වාර්තාකරු
gunasekera33@gmail.com
