මේ වෛද්‍යවරයාට අනුව, ආජන්ටිනාවේ පාපන්දු ලෙජන්ඩ්‌ව පැය 48කින් යළි ප්‍රකෘති තත්ත්වයට පත්කර ගැනීමට හැකියාව තිබූ අතර තවත් වෛද්‍යවරයෙකු පවසන්නේ වැඩිදුර පරීක්ෂණ පවත්වන ලෙසට කරන ලද රෙකමදාරුව ගණනකට නොගත් බවයි.
මැරඩෝනාගේ මරණය සම්බන්ධයෙන් පැවැත්වෙන නැවත නඩු විභාගයේදීයි වෛද්‍යවරු මේ කාරණා හෙළිදරව් කර තිබෙන්නේ.
මැරඩෝනා 60 වැනි වියේ පසුවෙමින් සිටියදී 2020 වසරේදී හෘදයාබාධයකින් මිය ගියේ ඔහුගේ මොළයේ හටගත් ලේ කැටි ගැසීමක් ඉවත් කිරීම පිණිස සිදු කළ ශල්‍යකර්මයකින් සති කිහිපයකට පසුව නිවෙසේ සුවය ලබමින් සිටියදී.
මේ ලෝක කුසලාන පාපන්දු ජයග්‍රාහකයා හෘදයාබාධයකින් මිය යමින් සිටියදී ඔහුව අත්හැර දැමීමේ චෝදනාව වෛද්‍යවරුන් හත් දෙනෙකුට එල්ල වී තිබෙනවා.
මැරඩෝනා ට ප්‍රතිකාර කළ ඔහුගේ හිටපු වෛද්‍යවරයා සාක්ෂි දෙමින්, අසනීපයෙන් සිටි පාපන්දු තරුවගේ සෞඛ්‍ය තත්ත්වය සරල මුත්‍රා වර්ධකයකින් පැය 48ක් ඇතුළත පැහැදිලිවම වර්ධනය කළ හැකිව තිබූ බව පවසා තිබෙනවා.
“සංකූල හෘදය අක්‍රියවීම් සමග එන මේ වගේ රෝගීන් දැඩි සත්කාර ඒකකයේ ඉන්නවා මම හැමදාම දකිනවා” යනුවෙන් වෛද්‍ය Mario Schiter ප්‍රකාශ කර තිබෙනවා.
“අපි ඔවුන්ගේ ශරීරයේ වැඩියෙන් තියෙන ලුණු හා ජලය මුත්‍රා කිරීම හරහා ඉවත් කිරීමට මුත්‍රා වර්ධක බෙහෙත් දෙනවා. ඊට පැය 12කට පස්සේ මේ රෝගීන් ආපහු ගෙදරත් ගිහින්.”
මැරඩෝනා මිය යන විට ඔහුගේ ශරීරයේ අවයවයන් කිහිපයකම දියරය වැඩියෙන් තිබූ බවට විශේෂඥ වෛද්‍යවරු කිහිප දෙනෙකුම කියා තිබෙනවා.
හෘදයාබාධයක් ඇති වීමට තිබෙන ඉඩකඩ ඉවත් කිරීම පිණිස තවදුරටත් පරීක්ෂණ පවත්වන ලෙසට කළ යෝජනා මැරඩෝනාගේ ප්‍රධාන වෛද්‍යවරයා වූ Leopoldo Luque ප්‍රතික්ෂේප කළ බව මැරඩෝනා ට අවසන් වරට ප්‍රතිකාර කළ හෘද රෝග විශේෂඥ Oscar Franco උසාවියට ප්‍රකාශ කර තිබෙනවා.
සාක්කිකරුවන් 100 දෙනෙකු පමණ මේ නඩුවේ සාක්ෂි දෙනවා.
(සටහන : වර්නන් ගුණසේකර)
'ද ලීඩර්' ක්‍රීඩා වාර්තාකරු
gunasekera33@gmail.com
