මේ T20 ලීගයේ හය වැනි අදියර කොළඹ එස්.එස්.සී. හා ආර්.ප්‍රේමදාස ක්‍රීඩාංගණවලදීත්, පල්ලෙකැලේ හා දඹුල්ල ක්‍රීඩාංගණවලදීත් පැවැත්වීමට නියමිතයි.
තරගාවලිය සඳහා විදෙස් ක්‍රීඩකයින් මාර්ගගතව ලියාපදිංචි කිරීම මැයි 4 වැනිදා ආරම්භ වන බව අද නිවේදනය කෙරුනා.
LPL හිමිකරුවන් වන ශ්‍රී ලංකා ක්‍රිකට් (SLC) ආයතනය මේ තරගාවලිය මෙහෙයවන්නේ තරග අයිතීන් ලබා දී තිබෙන IPG සමූහ ආයතනයේ හවුල්කාරිත්වයෙන්. ජාත්‍යන්තර ක්‍රීඩකයින්ගේ සහභාගිත්වයෙන් යුත් ශ්‍රී ලංකාවේ ප්‍රධානතම දේශීය විස්සයි20 තරගාවලිය වන ලංකා ප්‍රිමිය ලීගය ආරම්භ වූයේ 2020 වසරේ.
SLC හි විධායක කමිටු සාමාජිකයෙකු වන සමන්ත දොඩන්වල මේ තරගාවලියේ අධ්‍යක්ෂවරයා ලෙස තව දුරටත් කටයුතු කරනවා.
(සටහන : වර්නන් ගුණසේකර)
'ද ලීඩර්' ක්‍රීඩා වාර්තාකරු
gunasekera33@gmail.com
