මෙය සුපිරි වයස් ඛාණ්ඩ ජාත්‍යන්තර රග්බි තරගාවලියක් දිවයිනට ලැබීමේ ඓතිහාසික අවස්ථාවක් බව ශ්‍රී ලංකා රග්බි ආයතනය ප්‍රකාශ කරනවා.
ශ්‍රී ලංකා රග්බි ක්ෂේත්‍රයට මෙය වැදගත් අවස්ථාවක් වනවා. මීට පෙර මේ ජනප්‍රිය තරගාවලියේ සත්කාරකත්වය ශ්‍රී ලංකාව ට ලැබුනු 2000 වසරේදී ජාතික කණිෂ්ඨ රග්බි කණ්ඩායම ඓතිහාසික දක්ෂතාවක් ප්‍රදර්ශනය කරමින් චිලී හි පැවති ලෝක රග්බි අවුරුදු 20න් පහළ ශූරතාවලියට සුදුසුකම් ලබා ගැනීමට සමත් වුනා. එම කණ්ඩායමට නායකත්වය දුන්නේ ජීවන් ගුණතිලක. එය ශ්‍රී ලංකා රග්බි වයස් ඛාණ්ඩ ඉතිහාසයේ සටහන් වුනු සුවිශේෂී ජයග්‍රහණයක්.
ඊට වසර 25කට පසුව, ශ්‍රී ලංකාව නැවත වතාවක් ආසියාවේ හොඳම තරුණ රග්බි දක්ෂතාවන් පිළිගැනීමට සූදානම් වන්නේ යොවුන් රග්බි සංවර්ධනය, ව්‍යුහ ගමන් මඟ සහ උසස් දක්ෂතා විශිෂ්ටතාව වෙනුවෙන් තිබෙන රටේ දීර්ඝ කාලීන කැපවීම ශක්තිමත් කරමින්.
2026 ශූරතාවලියට සත්කාරකත්වය දැක්වීම අපේ අභිමානි රග්බි ක්‍රීඩා අතීතය සැමරීමක් පමණක් නොව එය කණිෂ්ඨ ජාතික රග්බි කණ්ඩායමේ ඊළඟ පරම්පරාව ප්‍රබෝධමත් කිරීම සඳහා වන ශක්තිමත් වේදිකාවක් හා ආසියානු හා ගෝලීය රග්බි වේදිකාවේ ශ්‍රී ලංකාවේ අනාගතය ශක්තිමත් කිරීමක් ද වන බව ශ්‍රී ලංකා රග්බි ආයතනය සඳහන් කරනවා.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
