ලොව දැවැන්තම K -1 තරගාවලියක් වන King of Kings ( KOK) World Series තරගාවලිය සඳහා සුදුසුකම් ලබා ගැනීමට ශ්‍රී ලංකාවේ කවිදු රසංජය (Kavindu “Phoenix” Rasanjaya) සමත් වුණා.
ඒ ඉන්දියාවේ පැවති King of Kings (KOK) Elimination Series තරගයේදී ඉන්දීය ක්‍රීඩක Nishal Rai පරාජය කරමින්.
ශ්‍රී ලංකාවේ මෙතෙක් සංවිධානය වුණු දැවැන්තම සටන් අත්දැකීම වුණු KFL තරඟාවලියේ කැපී පෙනෙනම තරඟකරුවන් දෙදෙනෙක් වු කවිදු රසංජය සහ කුමුදු ප්‍රසන්න යන සටන්කරුවන් දෙදෙනා ලොව දැවැන්තම K -1 තරඟාවලියක් වන King of Kings (KOK) සඳහා එක්වීමේ අවස්ථාව උදා වුණේ එම තරඟාවලියේ මුලික වටයේ තරගාවලිය වන KOK Elimination Series සඳහා තේරී පත් වීමත් සමගයි
දයාන් සමරසේකර (පුහුණුකරු | කළමනාකරු ) , කවිදු රසාන්ජය , කුමුදු ප්‍රසන්න
ඒ අනුව කවිදු රසංජය සහ කුමුදු ප්‍රසන්න පසුගිය දෙසැම්බර් මස 17 වනදා ඉන්දියාවේ කල්කටා නුවරදී සටන් බිමට පිවිසියා.
ශ්‍රී ලංකාව නියෝජනය කළ අනෙක් ක්‍රීඩකය වුණු කුමුදු ප්‍රසන්න ප්‍රබල සටනකින් අනතුරුව ඉන්දීය ක්‍රීඩක Satish Singh හමුවේ පරාජයට පත් වුණා.
කවිදු රසංජය, කුමුදු ප්‍රසන්න
වෘත්තියෙන් කාර්මික ශිල්පින් වන මේ දෙපල විවිධ වූ ආර්ථික දුෂ්කරතා මධ්‍යයේ වුවද සටන් කලාවට ඇති අතිශය ආදරය සමග මෙම ක්‍රීඩාව තුල නියැලෙයි .
රටක් වශයෙන් නිතර කථා වෙන සහ අවධානය යොමු කරන ක්‍රිකට් ක්‍රීඩාව පවා බිඳ වැටුණු පසුබිමක ක්‍රිකට් වලින් ඔබ්බට මෙවැනි දක්ෂයන්ට ජාත්‍යන්තර වේදිකාවේ දක්ෂතා දක්වන්නට අතහිත මේ මොහොතේ ජාතික වගකීමක්.
කවිදු රසංජයට සහ කුමුදු ප්‍රසන්න ට මෙම King of Kings [ KOK ] Elimination Series තරඟාවලිය සඳහා එක්වීමේ බරපැන දරමින් පුර්ණ අනුග්‍රහය දක්වන්නේ Black Panther Fighting Academy / bRemote / Supreme Sports / Karma Fight League සහ Amature K -1 federation of Sri Lanka සහයෝගය දක්වන්නට කටයුතු සිදු කෙරෙනවා.
King of Kings Elimination Series තරඟාවලිය එක්වීමට පෙර කවිදු රසංජය සහ කුමුදු ප්‍රසන්න මෙලෙස සිය අදහස් පළ කළා
