ලෝක වාර්තාව බිඳ දමා තිබෙනවා.
26 හැවිරිදි මේ ස්වීඩන් ජාතිකයා මකා දැමුවේ 2020 වසරේ සිට ඔහු සතුකර ගෙන සිටි මීටර් 6.17 වාර්තාව.
තමා හැදී වැඩුනු ස්වීඩනයේ උප්සාලා නගරයේ පැවති ගෘහස්ථ තරගාවලියේදී ඩුප්ලාන්ටිෂ් ඔහුගේ පළමු උත්සාහයන් හිදී මීටර් 5.65, මීටර් 5.90 හා මීටර් 6.08 උස පැන අවසන් වීමෙන් පසුව හරස් දණ්ඩ ලෝක වාර්තාවේ උස ප්‍රමාණය වන සෙන්ටිමීටර් 23 දක්වා ඉහළට ගෙන යන ලෙසට ඉල්ලා සිටියා. අනතුරුව ඔහු සැණින් ඒ උස ද ජයග්‍රහණය කරමින් එදින සවසට යෙදී තිබූ ඔහුගේ කාර්යය අවසන් කළා.
ඩුප්ලාන්ටිෂ් ස්වීඩනයේදී ලෝක වාර්තාව බිඳ දැමූ දෙවැනි අවස්ථාවයි මේ. ඔහු පසුගිය ජූනි මාසයේ ස්ටොක්හෝම් හිදී මීටර් 6.28ක් සටහන් කළ අතර එය 2025 වසරේ ඔහුගේ ලෝක වාර්තාගත හපන්කම් හතරෙන් එකක් බවට පත්වුණා.
“මේක මගේ ගෙදරයි” ඩුප්ලාන්ටිෂ් රැස්ව සිටි පිරිසට කියා සිටියා. “මේක අපේ උපන් බිමයි. මම තරග කරන හැම අවස්ථාවකම, මම නියෝජනය කරන්නේ ඔ්ගොල්ලන්වයි. මම ඒක කරන්නේ මහත් ආඩම්බරයෙන්.”
“මේ දෙය ඔබ සැම ඉදිරියේ කරන්න ලැබීම ගැන මට දැනෙන්නේ ලොකු ආඩම්රයක්. මම පනින්නේ මම වෙනුවෙන්. මගේ පවුල වෙනුවෙන්. නමුත් මම ඔබ වෙනුවෙනුත්, ස්වීඩනය වෙනුවෙනුත්, මට සහයෝගය දක්වන හැම දෙනා වෙනුවෙනුත් තරග කරනවා.”
“මට අභියෝග කරන්න කවුරුහරි ස්වීඩනයට ආවොත්, මාව පරද්දන්න ඉතාම අමාරු බව ඒගොල්ලන්ට වැටහේවි!”
රිටි පැනීමේ ලෝක වාර්තාව විටින් විට අලුත් කරමින් මුදල් උපයන ආමන්ඩ් ඩුප්ලාන්ටිෂ් ට ඔහුගේ මේ අලුත්ම වාර්තාව තවත් ඉහළට ගෙන යාමේ අවස්ථාවක් මේ මස අගදී උදාවනවා. ඒ, පෝලන්තයේ පැවැත්වීමට නියමිත ලෝක ගෘහස්ථ ශූරතාවලිය.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
