(BCB) ජනවාරි 21 වනතෙක් කල් ලබා දී තිබෙන බව වාර්තා වනවා. ICCය මේ අවසාන නිවේදනය BCBයට දන්වා තිබෙන්නේ දෙපාර්ශවය අතර සෙනසුරාදා පැවති හමුවේදී බව පැවසෙනවා.
බංග්ලාදේශය මේ තරගාවලියට සහභාගි නොවීමට තීරණය කළහොත් වර්තමාන ජාත්‍යන්තර විස්සයි20 ක්‍රිකට් ශ්‍රේණිගත කිරීම්වලට අනුව ඊළඟ සුදුසුකම තිබෙන්නේ යුරෝපීය කණ්ඩායමක් වන ස්කොට්ලන්තය ට.
තමන්ගේ සියලුම මූලික වටයේ තරග ශ්‍රී ලංකාවේ ක්‍රීඩා කරන අයර්ලන්තය සමග තරග කොටස හුවමාරු කරගැනීමේ බංග්ලාදේශ අදහස ද ICCය ප්‍රතික්ෂේප කර තිබෙනවා.
බංග්ලාදේශ කණ්ඩායමට ඉන්දියාවේදී ආරක්ෂක තර්ජනයක් නැති බවට ද ICC නිලධාරීන් සෙනසුරාදා පැවති සාකච්ඡාවේදී BCB නිලධාරීන්ට සහතික වී ඇතැයි වාර්තා වී තිබෙනවා. ලබන මස ඇරඹෙන මේ ලෝක කුසලාන තරගාවලියට සහභාගි වන කණ්ඩායම් 20 ට ම යවා තිබෙන, ස්වාධීන ආරක්ෂක ඒජන්සියක් විසින් සකස් කරන ලද උපදෙස් මාලාවක ඉන්දියාවේ තිබෙන සමස්ත තර්ජන මට්ටම මධ්‍යම සිට ඉහළ තත්ත්වය දක්වා වන බවට හඳුනාගෙන තිබෙනවා. එහෙත් එහි සංචාරය කරන කිසිම කණ්ඩායමකට සෘජු හෝ විශේෂයෙන් සඳහන් කළ හැකි තර්ජනයක් නැති බව ද එහි සඳහන්ව තිබෙනවා.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
