දැන් පැවැත්වෙමින් තිබෙන IPL තරගාවලියේ 19 වැනි අදියරේදී ලක්නව් සුපර් ජයන්ට්ස් (LSG) කණ්ඩායමේ තරග හතකට ලක්නව් නගරය සත්කාරකත්වය දක්වනවා.
මේ තරග හතෙන් ආසන්නතම තරගය වූ රෝයල්ස් චැලෙන්ජර්ස් බෙන්ගාලුරු (RCB) කණ්ඩායමට එරෙහිව බ්‍රහස්පතින්දා පැවති තරගය අතරතුර ලක්නව් හි එකානා ක්‍රීඩාංගණය පිටත ව්‍යාජ ටිකට් අලෙවි කරමින් සිටි පුද්ගලයින් සිවු දෙනෙක් පොලිසිය අත්අඩංගුවට ගෙන තිබෙනවා.
ව්‍යාජ IPL තරග ටිකට් නිර්මාණය කර ඒවා තරග පැවැත්වෙන ක්‍රීඩාංගණවලදී විකිණීම සඳහා මේ කල්ලිය ChatGPT සහ ග්‍රැෆික් සැලසුම් මෘදුකාංග භාවිතා කර ඇතැයි වාර්තා වනවා.
LSG හා RCB අතර පැවති IPL තරගය අතරතුරේ පුද්ගලයෙකු ළඟ තිබී ව්‍යාජ IPL ටිකට් පතක් සොයා ගත් බව ලක්නව් (දකුණ) පොලිසිය ප්‍රකාශ කරනවා. එම පුද්ගලයාගෙන් ප්‍රශ්න කිරීමේදී අනාවරණය වී තිබෙන්නේ එකානා ක්‍රීඩාංගණය පිටත සිටි කෙනෙක් එම ප්‍රවේශ පත්‍රය අලෙවි කළ බවයි. ඒ තොරතුරු මත මෙහෙයුමක් දියත් කළ ලක්නව් සයිබර් අපරාධ අංශය සහ සුෂාන්ට් ගොල්ෆ් නගර පොලිස් කණ්ඩායම මේ සැකකරුවන් සිවු දෙනා අත්අඩංගුවට ගෙන තිබෙනවා. මේ සියලු දෙනා ඉන්දියාවේ ච්චාටිස්ගා ප්‍රාන්තයේ මත්ද්‍රව්‍ය දිස්ත්‍රික්කයේ පදිංචිකරුවන්.
(සටහන : වර්නන් ගුණසේකර)
