ක්‍රීඩකයින්ට පමණක් බව ශ්‍රී ලංකා ක්‍රිකට් ආයතනය (SLC) නිවේදනය කර තිබෙනවා.
ඒ අනුව සිය ශාරීරික යෝග්‍යතා පරීක්ෂණ සාර්ථකව සම්පූර්ණ කළ දුශ්මන්ත චමීර, පැතුම් නිස්සංක හා කමිඳු මෙන්ඩිස් යන ක්‍රීඩකයින්ට IPL තරගාවලියට සහභාගි වීමට අවසර ලැබී තිබෙනවා.
ශ්‍රී ලංකා ක්‍රිකට් ආයතනය මේ දිනවල ජාතික වශයෙන් කොන්ත්‍රාත්ගතව සිටින සියලුම ක්‍රීඩකයින් සඳහා සති අටක විශේෂ ශාරීරික පුහුණු වැඩසටහනක් හා ක්‍රීඩකයින්ගේ ශාරීරික යෝග්‍යතාව පරීක්ෂා කරන වැඩසටහනක් පවත්වා ගෙන යනවා. මෙහි අරමුණ වී තිබෙන්නේ ඉදිරියේදී පැවැත්වෙන ජාත්‍යන්තර තරගාවලියන්ට සූදානම් වීම සඳහා ක්‍රීඩකයින්ගේ ශාරීරික යෝග්‍යතා ප්‍රමිතිය වැඩි කිරීමයි. ශාරීරික යෝග්‍යතා පරීක්ෂණය අනිවාර්ය කර තිබෙන ශ්‍රී ලංකා ක්‍රිකට් ආයතනය IPL තරගාවලියට සහභාගි වීම පිණිස ඉල්ලීම් ඉදිරිපත් කර තිබෙන ක්‍රීඩකයින්ට ඒ සඳහා ආයතනයේ විරුද්ධත්වයක් නැති බවට සහතිකයක් (NOC) නිකුත් කරන්නේ ඔවුන් එම පරීක්ෂණවලින් සාර්ථකව සමත් වුවහොත් පමණක් බවට ඊයේ නිවේදනය කළා.
ඒ අනුව, NOCයක් සඳහා නුවන් තුෂාරගේ සුදුසුකම ඔහුගේ ශාරීරික යෝග්‍යතා පරීක්ෂණයේ ප්‍රතිඵලය මත රැඳී තිබෙන අතර IPL තරගාවලියට සහභාගි වීමට අනුමැතිය ඉල්ලා තිබෙන වනිඳු හසරංග, එෂාන් මාලිංග සහ මතීෂ පතිරණ තවමත් ඔවුන්ගේ ආබාධවලින් සුවය ලැබීමේ පුනරුත්ථාපන ක්‍රියාවලියක නිරතව සිටින බැවින් මෙතෙක් ශාරීරික යෝග්‍යතා පරීක්ෂණවලට සහභාගි වී නැහැ. මේ ක්‍රීඩකයින් යළි ප්‍රකෘති තත්ත්වයට පත්වීමෙන් පසුව එම පරීක්ෂණවලට මුහුණ දීමට නියමිතයි.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
