ලෝක කුසලාන තරගාවලියට සූදානම් වෙමින් සිටින ශ්‍රී ලංකා කණ්ඩායමේ වේග පන්දු බලඇණිය ශක්තිමත් කිරීමට මාලිංගගේ සහාය ලබා ගැනීම පිණිස දෙසැම්බර් 15 සිට 2026 ජනවාරි 25 දක්වා බලපැවැත්වෙන පරිදි කෙටි වාර පදනමක් යටතේ මේ පත්වීම සිදුකර ඇතැයි ශ්‍රී ලංකා ක්‍රිකට් ආයතනය නිවේදනයක් මගින් ප්‍රකාශ කරනවා.
ඉන්දියාව ට එරෙහිව 2014 වසරේදී ශ්‍රී ලංකාව විස්සයි20 ලෝක කුසලාන තරගාවලියේ ශූරතාව කරා මෙහෙයවූ ලසිත් මාලිංග ශ්‍රී ලංකා කණ්ඩායම වෙත ගෙන එන්නේ වේග පන්දු යැවීමේ හැකියාවේ පොහොසත් පළපුරුද්දක්.
ජාත්‍යන්තර විස්සයි20 ක්‍රිකට් ක්‍රීඩාවේ තරග 84කින් කඩුලු 107ක් ලබා ගෙන සිටින මාලිංග වඩාත්ම ජනප්‍රියව සිටින්නේ තරගයේ අවසන් තීරණාත්මක ඕවරවල ශිල්ප දක්වන ප්‍රායෝගික බුද්ධියෙන් පන්දු යවන්නෙකු ලෙසින්. 2021 වසරේදී සියලු ශෛලියේ ක්‍රිකට් ක්‍රීඩාවෙන් සමුගැනීමෙන් පසුව මේ 42 හැවිරිදි වේග පන්දු යවන්නා T20 ෆ්‍රන්චයිස් ලීගයන්හි උපදේශකයෙකු හා පුහුණුකරුවෙකු වශයෙන් කටයුතු කර තිබෙනවා.
ඔහු 2022 වසරේ ද ශ්‍රී ලංකාවේ පන්දු යැවීමේ උපක්‍රමශීලී පුහුණුකරු ලෙස කාර්යභාරයක් ඉටු කළා.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
