විදෙස් වාර්තාවකට අනුව, ඉස්ලාම් මේ ඉල්ලීම සිදුකර තිබෙන්නේ ජාත්‍යන්තර ක්‍රිකට් කවුන්සලයේ උපසභාපති ඉම්රාන් කවාජා සහ නක්වි සමග ලාහෝර් නුවර ඊයේ පැවති හමුවේදී.
එහිදී බංග්ලාදේශය වෙනුවෙන් පාකිස්තානය දැක්වූ සහයෝගය අගය කළ ඉස්ලාම්, වර්ජනය අවසන් කරන ලෙසට නක්විගෙන් ප්‍රබල ඉල්ලීමක් කර ඇතැයි PCB ආරංචි මාර්ග පැවසූ බව එම වාර්තාවේ සඳහන් වනවා. වර්ජනයෙන් ඉවත් වන ලෙසට ශ්‍රී ලංකා ක්‍රිකට් ආයතනය සහ එමිරේට්ස් ක්‍රිකට් මණ්ඩලයේ නිලධාරීන් ද නක්වි ට බල කර තිබෙන බව පැවසෙනවා.
මේ නිසා PCBය ඔවුන්ගේ මතය වෙනස් කරනු ඇති බවට සුභවාදී තත්ත්වයක් පෙනෙන්නට තිබුන ද, නක්වි පාකිස්තාන අගමැති ෂෙබාස් ෂරිෆ්ගෙන් අවසන් තීරණයක් ලැබෙන තුරු බලා සිටින බව වාර්තා වනවා.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
