ශ්‍රී ලංකා කණ්ඩායමේ ලෝක කුසලාන මෙහෙයුමේ ආරම්භක තරගයේදී අයර්ලන්තය ට එරෙහිව ජයග්‍රහණය අත්කර ගැනීම සඳහා ප්‍රධාන කාර්යභාරයක් ඉටු කළ හසරංග එම තරගයේදී මේ ආබාධයට ලක්වීමෙන් පසුවත් පන්දු යැවූ අතර ඔහු එම තරගයේදී කඩුලු තුනක් ලබා ගැනීමට සමත් වුණා.
ඔහු වෙනුවට තුන් ඉරියව් ක්‍රීඩක දුශාන් හේමන්ත ශ්‍රී ලංකා සංචිතයට ඇතුළත් කරගෙන තිබෙනවා. පසුගිය වසරේ සිම්බාබ්වේ ට එරෙහිව පළමු වතාවට ශ්‍රී ලංකාව වෙනුවෙන් ක්‍රිකට් තරග බිමට පිවිසි හේමන්ත ජාත්‍යන්තර විස්සයි20 තරග තුනකදී ශ්‍රී ලංකාව නියෝජනය කර තිබෙනවා.
ශ්‍රී ලංකාව ලෝක කුසලාන තරගාවලියේ ඊළඟට තරග වදින්නේ ඔ්මානය ට එරෙහිවයි. එම තරගය හෙට (12) පෙරවරු 11.00 ට මහනුවර පල්ලෙකැලේ ක්‍රීඩාංගණයේදී ආරම්භ වනවා.
යාවත්කාලීන කෙරුණු ශ්‍රී ලංකා සංචිතය:
දසන් ශානක (නායක), පැතුම් නිස්සංක, කමිල් මිෂාර, කුසල් මෙන්ඩිස්, කමිඳු මෙන්ඩිස්, කුසල් ජනිත් පෙරේරා, චරිත් අසලංක, ජනිත් ලියනගේ, පවන් රත්නායක, දුශාන් හේමන්ත, දුනිත් වෙල්ලාලගේ, මහීෂ් තීක්ෂණ, දුශ්මන්ත චමීර, මතීෂ පතිරණ, ප්‍රමෝද් මදුශාන්.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
