ආණ්ඩුකාරවරුන් කීප දෙනෙකුගේ සේවා හෝ පළාත් වෙනස් වීමට නියමිත බව ආණ්ඩුවේ අභ්යන්තර ආරංචි මාර්ග වාර්තා කරයි.
මේ සම්බන්ධයෙන් රජයේ ඉහළ පෙළේ සාකච්චාවක් සිදුව ඇතැයි ආණ්ඩුවට පක්ෂපාති 'ලංකා සී නිව්ස්' ද වාර්තා කර ඇත.
ආණ්ඩුවේ ආරංචිමාර්ග සඳහන් කරන පරිදි මුදල් අමාත්ය බැසිල් රාජපක්ෂගේ සමීපතම හිතවතකු වන විලී ගමගේ දකුණේ ආණ්ඩුකාර ධුරයෙන් වයඹ ආණ්ඩුකාර ධුරයට නම් කිරීමට නියමිත බව පැවසේ.
එහිදී පුරප්පාඩු වන දකුණු පළාත් ආණ්ඩුකාර ධුරයට බැසිල් රාජපක්ෂගේ තවත් හිතවතකු වන හිටපු අමාත්ය ලක්ෂ්මන් යාපා අබේවර්ධන පත්කිරීමට මේවනවිට යෝජනා වී ඇත. ඔහු පසුගිය මහ මැතිවරණයේ දී පොහොට්ටු පක්ෂයෙන් තරඟ කර පරාජයට පත්විය.
එසේ පරාජිත අපේක්ෂකයන්ට රජයේ නිලතල ලබා නොදීමට ජනාධිපතිවරයා මිට පෙර තීන්දු කර තිබුන ද ඉදිරියේ දී එළඹීමට නියමිත පළාත් පාලන මැතිවරණය ඉලක්ක කර ගනිමින් අද්දැකීම් ඇති පළපුරුදු දේශපාලන චරිත කිහිපයකට ආණ්ඩුකාර ධුර ලබාදීමට රාජපක්ෂ පවුල තීන්දුකර ඇතැයි ඉහත ආරංචිමාර්ග වැඩි දුරටත් පවසයි.
THE LEADER TV
පුත්තලමේ 'සනා' සතොසට ගෙනා අරක්කු ලොරියක් පන්නයි!
පොහොට්ටු මන්ත්රීවරු ජනපතිට ටොක්කක් අනී !