සරත් වීරසේකරගේ දෙකක් ගැලවීම - අජිත් පැරකුම් ජයසිංහ 

 

මෙම ආයතන දෙක විශේෂ වැදගත්කමක් සහිත ඒවා නොවේ. බහු කාර්ය සංවර්ධන කාර්ය බලකා දෙපාර්තමේන්තුව යනු මෙලෝ වැඩක් නැති සල්ලි කන යකෙකි. ඒවා සරත් වීරසේකරගෙන් ගලවන්නේ ඔහුට දඬුවමක් ලෙස මිස වෙන කිසිවකට නොවේ.

 

හිටපු නාවික හමුදා නිලධාරියකු හා ජාතිවාදී අන්තවාදී අදහස් ප්‍රකාශ කරන අමනෝඥ දේශපාලකයකු වන සරත් වීරසේකර මහජන ආරක්ෂක අමාත්‍ය ධුරයට පත්කර දැන් මාස අටක් ගතවී තිබේ. 

 

 

 

 

ශ්‍රී ලංකා පොලිසියට සිදුකළ මෙම අවමානය හැර ඔහු පොලිසියට කළ අංශු මාත්‍රයක සංවර්ධනයක් නම් රටට පෙනෙන්නේ නැත.

 

ගුරු සංගම් නායකයන් අසාධාරණ අන්දමින් අත්අඩංගුවට ගෙන, නීති විරෝධී අන්දමින් නිරෝධායනයට යවා ගුරුවරුන් උද්ඝෝෂණයට කැඳවීමට ද, රට පුරා ආණ්ඩුවට අභියෝගාත්මක උද්ඝෝෂණ රැල්ලයක් නිර්මාණය කිරීමට ද සරත් වීරසේකර දායකත්වය දැක්වූයේය.

 

  

 

ඔහු වැනි අන්තවාදී, ප්‍රජාතන්ත්‍ර විරෝධී, යල්පැනගිය අදහස් දරණ පුද්ගලයකුට පොලිසිය භාරදීම ජනාධිපති ගෝඨාභය රාජපක්ෂ විසින් සිදුකරන ලද බරපතලම වරදකි. ඔහුගෙන් ආයතන දෙකක් ගලවා ජනාධිපතිවරයා බලාපොරොත්තු වන්නේ කුමක්ද යන්න විමසා බැලිය යුතුය.

 

සරත් වීරසේකර ලවා උද්ඝෝෂණ මර්දනය කිරීමේ අළුගෝසු කාර්යභාරය ඉටුකරවාගෙන ඔහු ඉතිහාසයේ කුණු බක්කියටම තල්ලු කර දැමීම ද ඔහු වැනි අය සම්බන්ධයෙන් එක් විසඳුමකි. 1989 දශකයේ අගභාගයේදී හා 1990 දශකයේ මුලභාගයේදී රන්ජන් විජේරත්නට සිදුවූයේ එවැනි දෙයකි.

 

  

ඔවුන් නිසා අවසානයේදී සිදුවී තිබෙන්නේ රජයට ඉතා වැදගත් වන පරිපාලන සේවය වැනි අංශවලින් පූර්ණ සහයෝගයක් නොලැබීමයි. ඔවුන් සේවය කරන්නේ හැඟීමකින් නොව, යාන්ත්‍රික ආකාරයකින් බව ඉතා පැහැදිලිව ප්‍රදර්ශනය වේ. සරලව කිව්වොත්, ‘කරල බලපල්ලකො’ යන ආකල්පයෙනි.

 

සරත් වීරසේකරගේ පොලිසියේ පවා මේ වන විට දැවැන්ත කලකිරීමක් නිර්මාණය වි තිබේ. ඔවුන් ද ක්‍රියාකරන්නේ අලස හැඟිමකින් බව පෙනේ.