ගැබිණි මව්වරුන් සඳහා ලබා දෙන ත්‍රිපෝෂ නිෂ්පාදනයට යොදා ගෙන ඇත්තේ විෂකාරක

අඩංගු ප්‍රමිතියෙන් තොර තිරිඟු හා සෝයාබෝංචි බව බලධාරීන් පැවති සාකච්ඡාවකදී හෙළි වී තිබේ.

මේ බව අනාවරණය වී ඇත්තේ 'අයිතිය උදෙසා කාන්තාවෝ' සංවිධානයේ නියෝජිත පිරිසක් ඊයේ [29] සෞඛ්‍ය ඇමැති කෙහෙළිය රඹුක්වැල්ල හමුවී ත්‍රිපෝෂ වල විෂකාරක අඩංගු බවට වන වාර්තා ගැන විමසීමේදියි.

''කෑම වල මිල ගණන් ගිහින් තියෙන හින්දා වේලක් හොයා ගන්න බැරි වතු කම්කරුවෝ, ධීවර ජනයා, නාගරික දුප්පතුන් තමන්ගේ දරුවන්ට ත්‍රිපෝෂ ගුලියක් කවලා තමයි වේල පිරිමහගන්නේ. දැන් ඒ ගැනත් විශ්වාසයක් නැතිවෙලා. බත් ගුලියක් වෙනුවට කාලා හිටිය ත්‍රිපෝෂ ගුලියත් නැතිවෙන තත්වයක් තියෙන්නේ,'' යැයි සාකච්ජාවෙන් අනතුරුව මාධ්‍යයට අදහස් දැක්වූ 'අයිතිය උදෙසා කාන්තාවෝ' සංවිධානයේ සභාපතිනි සරෝජා සාවිත්‍රි පෝල්රාජ් පැවසුවාය.

 

ඇය පෙන්වා දෙන්නේ 'ඇෆ්ලටොක්සින්' විෂකාරකය ත්‍රිපෝෂ වලට අඩංගු වී ඇති බව දුර්මතයක් ලෙස ආණ්ඩුව බැහැර කළත්, එය සනාථ කරන තොරතුරු සෞඛ්‍ය ඇමතිවරයා හා ත්‍රිපෝෂ සමාගමේ සභාපතිවරයා සමග පැවති කතා බහේදී  හෙළිවූ බවයි.



''ත්‍රිපෝෂ නිෂ්පාදනයට අවශ්‍ය සෝයා බෝංචි සහ තිරිඟු සැපයුම් කරුවන් වන්නේ පෞද්ගලික සමාගම්. මොවුන් ගෙන්වන්නේ කිසිදු ප්‍රමිතියකින් තොර ඒවා. සත්ව ආහාර වලට ගන්න සෝයා බෝංචි තමයි ගෙන්වලා තියෙන්නේ.''

ගැබිණි මව්වරුන් සහ කිරි දෙන මව්වරුන් සඳහා රජය විසින් නොමිලේ  බෙදා දී ඇති ත්‍රිපෝෂ වල 'ඇෆ්ලටොක්සින්' නම් විෂකාරකය නියමිත ප්‍රමාණය ඉක්මවා ඇති බවට මුලින්ම කියා සිටියේ මහජන සෞඛ්‍ය පරීක්‍ෂකවරුන්ගේ සංගමයේ සභාපති උපුල් රෝහණ යි.

 මේ අතර ශ්‍රී ලංකා ත්‍රිපෝෂ සමාගම සඳහන් කළේ, 'ඇෆ්ලටොක්සින්' අඩංගු බවට හඳුනාගත් ත්‍රිපෝෂ මව්වරුන් අතට පත් නොවූ බවයි.

එහෙත් බෙදා හැරුණු ත්‍රිපෝෂ වල  'ඇෆ්ලටොක්සින්වි' ෂකාරකය අඩංගු බවට නාගොඩ ජාතික සෞඛ්‍ය විද්‍යායතනය විසින් පරීක්ෂණ වාර්තා 06 කින්ම  සනාථ කර ඇති බවට මහජන සෞඛ්‍ය පරීක්ෂකවරුන්ගේ සංගමයේ සභාපතිවරයා පවසයි

000Triposha 1

000Triposha 3

000Triposha 5





සබැඳි ලිපි :

'ත්‍රිපෝෂ' සහ 'පිලිකාකාරක' ගැන මීට වඩා වගකීමකින් කතා කළ යුතුයි

මොකක්ද මේ ත්‍රිපෝෂ ආන්දෝලනය?

 


The LEADER Whatsapp Group එකට එකතුවෙන්න

 

Theleaderx2022

subscribeYT

WhatsApp Image 2021 09 13 at 13.49.58

නවතම පුවත්